Gobierno di Hapon y e operador di e planta nuclear kibra Fukushima a bisa siman pasa cu eliminacion di fuel di reactor cu a smelt, planea pa cuminsa na 2021, lo mester keda posponi pa alrededor di un aña pa motibo di e pandemia cu ta keda empeora.
Ministerio di Economia y Industria y Tokyo Electric Power Co. tabatin plan pa cuminsa elimina e prome porcion di restonan smelt for di e reactor Unidad 2 na Fukushima Dai-ichi otro aña, marcando e di dies aniversario di e desaster impulsa pa e teremoto masivo y e tsunami dia 11 di maart 2011.
Cuminsamento di eliminacion di e restonan smelt awo lo ta retrasa te fin di 2022, e oficialnan a bisa.
E situacion cada bes pio di e virus na Reino Uni a causa retraso cu un brasa robotico, cual ta desaroyando conhuntamente cu Veolia Nuclear Solutions y Mitsubishi Heavy Industries.
A retrasa test cu ta necesario. Y e envio di e brasa robotico, incialmente planea pa januari, awo ta spera alrededor di april, segun Shuji Okuda, oficial di ministerio di industria a cargo di e desaroyo na e facilidadnan nuclear.
E desmantelacion general di e planta nuclear ta spera di dura otro 30 pa 40 aña.
Eliminacion di e 800 ton di fuel nuclear den e tres reactor cu a smelt, a cay for di e centro y a bira duro na e parti abao di nan baki di contenemento primario, ta e reto di mas dificil di e proceso di desmantelacion.
TEPCO a haci progreso den compilacion di informacion tocante condicionnan den e reactornan. Un robot chikito telescopico cu a bay den Unidad 2 a mustra cu pidanan chikito di e restonan por separa y wordo saca. Un evaluacion na Unidad 3 a ser afecta pa radiacion halto y nivelnan di awa den su baki di contenemento primario, y un evaluacion robotico na Unidad 1 no tabata exitoso pa motibo di nivelnan extremadamente halto di radiacion.
Gobierno y TEPCO tambe ta luchando cu e cantidad masivo di awa – trata pero ainda contamina – acumulando y warda den alrededor di mil tanki mientras ta spera cu e planta lo keda sin espacio den menos di dos aña. Recomendacion di un panel di gobierno pa libera e awa den lama a ricibi oposicion di residentenan local, incluyendo piscado, y paisnan bisiña.
Expertonan ta bisa cu un meta di 30 pa 40 aña pa completa e desmantelacion ta demasiado optimista. Algun experto a trece duda si elimina tur e fuel smelt ey ta posibel, y ta sugeri un maneho manera Chernobyl – contene e reactornan y warda te ora e radioactividad reduci naturalmente.
