image.jpeg

Asja Dongen vocero di WEB a referi nos na Elmar pa mas informacion. Unico informacion cu e por a duna nos mainta tremoan ta cu durante di e trabounan di Green Corridor a hit un cabel. El a confirma cu e suministro di WEB pa Elmar ta 100% y pues ta kere cu nan tincu recupera e suministro atrobe pa e diferente barionan haya. A purba di haya vocero di Elmar pa mas detaye pero ainda esaki no a logra.

Informacion emiti via comunicado di Elmar:

Diahuebs mainta trempan N.V. ELMAR a hay’e cu un otro reto den suministro y distribucion di coriente ora cu un compania di construccion trahando riba Green Corridor na altura di e crusada di Mahuma a kap un kabel di 60.000 volt. Consecuentemente a causa un problema serio den distribucion pa cual varios bario a resulta afecta. 

Ta trata aki di area di Tanki Leendert, Pavia, parti di Caya Betico Croes, Shaba, Sero Blanco, Pos Abao, bUshiri y algun hotel grandi manera La Cabana Resort. 

N.V. ELMAR ta lamenta e hecho aki cu ta for di su mannan, pero cu tin consecuencia pa su clientenan, specialmente comercio. Mientrastanto mesora despues di a incidente tecniconan a mobilisa pa desvia distribucion pa por reconecta suministro normal di coriente. Di otro banda a cuminsa cu trabou pa drecha e kabel importante di coriente cu awor ta daña.

LEAVE A REPLY

Please enter your comment!
Please enter your name here