(AFP) – Portero di Corsou, Eloy Room a haci joke cu e merece un estatua na su isla den Caribe, despues cu un despliegue asombroso a gana nan prome punto di Mundial den historia pa su team.
E portero, 37, a haci 15 save den e partido di Grupo E contra Ecuador diasabra pa tene na bida e speransa di Corsou pa pasa na etapa di knockout. Su total ta un record – desde 1966 – pa cualkier portero den un partido di Mundial cu no a bay den tempo extra.
“E ta nifica tur cos,” Room a bisa. “E ta sinti manera un victoria, bo sa, pa nos. Pero awo e ta nifica hopi. E ta e prome punto den Mundial pa nos.”
“Pues e ta surreal si bo sa e trayectorio di unda nos a bin y awo nos ta aki. Y awe nos a mustra cu nos tin curason berdadero cu e team. Pues e ta un sentimento increible.”
E portero di Miami FC a joke cu e ta decepciona di no a kibra e record di ex-portero di Merca, Tim Howard, di 16 save nota pa FIFA den un partido contra Belgica den Mundial 2014 na Brazil cu a bay den tempo extra.
“Mi ta kere e tabata soda na cas, bo sa, mirando e wega,” el a bisa. “Pero mi a tende cu tambe tabata otro record di hopi tempo atras. Pues si, mi ta orguyoso di esey.”
Room a elogia su team pero a sugeri cu su logro mester keda inmortalisa. “Mi ta hopi orguyoso di e team tambe pasobra, un biaha mas, nos a hacie cu e team” el a bisa. “Ami ta haci e save, pero nos a lucha como team, tambe e hungadornan cu a drenta. Pero mi ta kere mi mester un estatua na Corsou, mi ta kere awo.”
Despues di e wega, Rey Willem-Alexander, Reina Maxima y Prinses Ariane a baila y celebra cu e team den lockerroom. “Conoce nan tabata algo realmente special. Maxima a duna mi un sunchi chikito… mi ta spera mi esposa no tende,” Room a joke.
