Embahadanan a sondea Aruba como hub di conocemento entre Europa y nos region

Aruba hub conocemento.jpg

Minister di Enseñansa, sra. Michelle Winklaar a informa cu e interes pa e tipo di programa academico manera esun cu Maastricht University ta ofrece pa medio di Universidad di Aruba, ta algo cu nan ta wak durante e ultimo añanan. Esaki tin di haber basicamente cu e concepto di Aruba bira un hub no solamente riba e parti comercial, pero tambe pa e parti educacional y conocemento entre nos region y Europa. 

“Esaki ta algo cu a wordo sondea den nos netwerknan di embahadanan rond di e region cu sigur ta algo cu ta carga nan sosten. Pero tambe cu nan ta wak cu tin un demanda y un interes hopi grandi”, el a bisa.

E mandatario a agrega cu hopi biaha studiantenan cu ta bin fei nos region di Latino America y den Caribe tambe, Europa ta hopi leu pa nan bay.

P’esey si tin algo cu ta ekivalente manera e caso di e programa di “double degree” riba Derecho Fiscal Internacional y Europeo caminda nan ta haya un dobel diploma tanto di Aruba como tambe di un instancia prestigioso di Hulanda manera Maastricht University, e ta algo mas atractivo. E tipo di programa aki ta unico den nos region, y e mandatario ta spera cu nos comunidad lo sigui sostene Universidad di Aruba pa continua cu nan esfuersonan.

You May Also Like

Hendenan no ta pensa ainda cu cuminda lo por bira scars

Desaroya proyecto den sector primario manera agricultura y cria di bestia ta demanda  hopi ...

1911a0e8-f446-4a32-88b3-71aa48e3313d.jpg

Gilbert van Veen: “Nan a benta tur mi pertenencianan afo y a mata mi cachonan inhustamente”

Darin Crouch abogado di Gilbert van Veen a yama un conferencia di prensa pasobra ...

web situacion financiero Br.JPG

WEB su ganashi ta entre 40 pa 50 miyon florin

Gerencia di WEB ta lamenta cu informacion riba e negociacion di e CAO ta ...

Benita Tromp: ‘Esey tabata e popchi cu ma hunga cu ne’

MFA Noord ta escenario di un exposicion masha singular y interesante di popchinan di ...