yegada di algun di nan cu tabata ariba la rumbera (2).JPG
 
E 9 pasaheronan di La Rumbera a logra yega Aeropuerto di Aruba  despues di 5or di atardi riba vuelo di Avianca. Tur e pasaheronan tabata mustra cansa, algun mas cu otro. Segun e pasahero Marcolino Croes ta splica gasolin a caba cu nan despues di mas o menos 1 ora riba e boto y asina nan a keda drief, mientras cu nan ta drief nan no a mira ningun boto di rescate cerca di nan, si nan a mira un avion pasa bay. Yegando cerca di Colombia nan a haya nan mes cu un tormenta, esey a pushanan bay canto cu nan a yega Colombia, prome cu esaki ya 2 di e pasaheronan a bula awa pa bay pidi ayudo. Na nan yegada e indjannan Wayuu a tuma nan over y a hiba nan na e base militar. 
 
Na e base militar Lalo Croes yiu di Betico Croes a tuma nan over, y a paga pa nan hotel. Segun informacion, gobierno di Aruba a paga pa e pasashinan di e 9 pasaheronan pa nan por a bolbe bek Aruba. For di locual cu nos reportero por a mira e pasaheronan tabata mustra cansa si pero tabata ok. E personanan no a bay cu nada prepara pa tanto dia mirando cu e boto ta bay Punto Fijo dos biaha pa siman bin bek. Capitan di e boto a bisa e pasaheronan cu den 1 ora y 45 minuut nan ta yega Punto Fijo, pero ta kere cu e cantidad di hende a forsa e boto mas cual a haci cu e gasolin a caba. E yegada tabat yena cu famianan cu a ricibi nan familiar yen di emocion y tur tabata contento y gradici di ta bek na tera, y no a perde speransa.
 
 
 

LEAVE A REPLY

Please enter your comment!
Please enter your name here