Empleado di Fedex ta duna tremendo ehempel na nos comunidad

Ayera diaranson dia 1 di februari durante rutina diario di trabou, empleado di Fedex Aruba sr. Jerry van der Linden a haye cu un situacion fastioso pero e la huza e situacion pa duna un bon ehempel na nos comunidad.

Riba su pagina di Facebook personal, Jerry ta conta e storia di kico a pasa ora cu e la bay haci entrega di un pakete na Noord. Na momento di entrega, no por a haya e persona di cas pa cual un señora a sali y generosamente a bay yama e bisiña pa e por ricibi su pakete. Na regreso pa su cas, e señora su slof a kibra y e la cai. E caida tabata uno fuerte unda e la herida su cara y un band’i pia. Jerry a keda corda e gesto di e señora y e susedido pa cual e la pasa awe pa wak con a sigi cu e señora y alavez hiba un regalito chikito p’e. Den su post, Jerry ta bisa: “Danki dios e ta ok!!!!!”

Bon Dia Aruba a haya e susedido aki uno ehemplar y no por a keda di comparti’e cu pueblo di Aruba. Compasion pa un cu otro ta algo cu mester ta parti di nos cultura.

Di parti Bon Dia Aruba nos kier a bisa: DANKI Jerry!

You May Also Like

WEB

Corto circuito na Elmar causa di blackout full Aruba

Un corto circuito den ‘feeder’ di Elmar a pone WEB plat y despues Aruba completo ...

image.jpeg

Fayo den sistema di operacion Parke di Molina di biento a causa interupcion suministro coriente

Diahuebs 10 di maart den oranan marduga, a surgi un interupcion den produccion di coriente na ...

Kill Cage probablemente lo bay mata bestia den mal salud so

Lo tin manifestacion awe tardi contra abuso di bestia Despues di un ola di ...

‘Proyecto Smart Community Aruba no ta mucho sabi’

Director di organisacion ambiental Aruba Birdlife Conservation Greg Peterson a expresa su opinion riba ...

Dia mundial di curason tambe ta conta pa Aruba

Un tercera parti di e cifranan di morto registra anualmente na Aruba ta pa ...

‘Leynan pa cumpli cu tratadonan internacional por keda cla den algun luna’

Diasabra atardi un grupo di hende bao guia di entre otro sra. Vivian Krosendijk ...