Empleado di Fedex ta duna tremendo ehempel na nos comunidad

Ayera diaranson dia 1 di februari durante rutina diario di trabou, empleado di Fedex Aruba sr. Jerry van der Linden a haye cu un situacion fastioso pero e la huza e situacion pa duna un bon ehempel na nos comunidad.

Riba su pagina di Facebook personal, Jerry ta conta e storia di kico a pasa ora cu e la bay haci entrega di un pakete na Noord. Na momento di entrega, no por a haya e persona di cas pa cual un señora a sali y generosamente a bay yama e bisiña pa e por ricibi su pakete. Na regreso pa su cas, e señora su slof a kibra y e la cai. E caida tabata uno fuerte unda e la herida su cara y un band’i pia. Jerry a keda corda e gesto di e señora y e susedido pa cual e la pasa awe pa wak con a sigi cu e señora y alavez hiba un regalito chikito p’e. Den su post, Jerry ta bisa: “Danki dios e ta ok!!!!!”

Bon Dia Aruba a haya e susedido aki uno ehemplar y no por a keda di comparti’e cu pueblo di Aruba. Compasion pa un cu otro ta algo cu mester ta parti di nos cultura.

Di parti Bon Dia Aruba nos kier a bisa: DANKI Jerry!

You May Also Like

Findishi InselAir Aruba posponi

Ayera y tambe pa otro siman departamento di impuesto tabatin un findishi planea di ...

Oportunidad unico pa subi te na e top di lighthouse riba Dia di Himno y Bandera

ORANJESTAD – Dialuna awo nos faro, esta California Lighthouse, lo ta habri pa publico ...

Presidente Santos di Colombia ta reconoce Aruba como lider y ta busca aliansa

Experiencia di Aruba den turismo, e mercado di persona cu ta biaha pa wak ...

Sushedad formando peliger pa naturalesa

Redaccion di Bon Dia Aruba a tuma nota cu tin varios sitio cu ta ...

Citgo no ta pagando tur contratista

Sindicato IOWUA ta urgi reunion cu tur partidonan Te aworaki Citgo Aruba ta cumpliendo ...