E celebracion tocante Dia di Diversidad Cultural pa Dialogo y Desaroyo ta bay tuma luga mañan, 21 di mei na Plaza Libertador Betico Croes for di 6or di atardi, cu e di 3 Encuentro Multicultural Aruba 2023 organisa pa Departamento di Cultura di Aruba. Ta b ay tin un feria gastronomico y show di diferente pais.
E proyecto aki tin como meta central pa crea lasonan di union, genera e integracion y comparti cu otro e rikesa di mas grandi di Aruba manera ta e multiculturalidad, tambe ta un plataforma na unda tur pais tin e oportunidad di celebra nan cultura den forma di gratitud y ta topa cu otro den union y harmonia aportando pa entre otro, paz y unidad di tur e pueblonan di mundo.
E lema central ta “Pone e Arubiano na haltura di su cultura y siñ’e conoce di otro” crea pa Hubert O (Lio) Booi.
Ministerio di Cultura Aruba, conhuntamente cu Departamento di Cultura Aruba, Cuerpo Consular na Aruba, UNESCO Aruba y Gruponan Artistico, Folklore y Cultural estableci aki na Aruba tin e grato placer di invita Aruba completo pa asisti na e di “III Encuentro Multicultural Aruba 2023” relaciona cu: “Dia Mundial di Diversidad Cultural pa Dialogo y Desaroyo” declara pa UNESCO y tambe pa haci homenahe na e celebracion di 20 aña di Oficialisacion di idioma Papiamento.
A informa cu tambe ta bay tin feria cu cuminda di diferente pais y tambe un show multicultural cu e participacion di mas di 25 grupo, e apertura musical na encargo di e agrupacion Caribbean Combo di Scol di Musica Rufo Wever. Aruba.
Presentacion di Aruba Art Fair, Ntg & Nlg Dancers, Fundacion Lanta Papiamento, Kids & Youth in Action, Grupo di Baile Dabaruida y Fundacion Rosea Cultural.
Tango Barefoot di Argentina, Munye Oduber Winklaar di Bonaire, Rincon Boyz di Bonaire, Club Di Movemento di Brazil, Gucci Dancers di Aruba y China. Consulado di Colombia na Aruba. Petronio Alvarez TADS Internacional Foundation di Colombia, Vallenato Plus di Colombia. Kozlov Dance International Eastern di Europa. El Duque Victor Samuel di Spaña. Grupo Pasacalle The Philippines, Bharti.P. Daryanani di India, Grupo Niti Gupta di India, Mariachi Angeles de Ernan Angela di Mexico, Grupo di Baile Folklorico Takiri di Peru, Fundacion Fiestas Patrias Peruanos na Aruba di Perú. Grupo Folklorico Primavera di Portugal, Farah Visson di Republica Dominicana, Fundacion Grupo Folklore Dominicano di Republica Dominicana, Cultura Bibo di Surinam, Royal Dreams Foundation di Trinidad & Tobago. Expresion Folklorico Viva Venezuela di Venezuela, Agrupacion Danzarte di Venezuela, Fundacion Venearuba Solidaria, Grupo Araguaney y Amigo di Venezuela, Trabuco Gaitero and Show di Venezuela y un tremendo clausura cu Afro Tambor di Venezuela.
E invitacion ta 6or di atardi pa comunidad di Aruba en general asisti na evento aki cu ta un muestra di Aruba su multicultura y tambe pa celebra e di 20 aña di idioma oficial Papiamento.
Potretnan ta cortesia di Departamento di Cultura di Aruba.
