Encuesta politico di KVK cu resultadonan incorecto

Recientemente Camara di Comercio di Aruba (KVK) a inicia un encuesta pa e debate politico cu nan ta organisando. KVK a pone un ‘poll’ online pero esaki tabata dunando resultadonan cu no ta cuadra cu e realidad.

Danki na ciudadano Francisco Figaroa kende tabata alerto pa e fayo technico di e encuesta aki, Bon Dia Aruba por a verifica pa su mes cu di berdad e resultado no ta cuadra. Ta asina cu bo por vota mas cu un biaha pa e mes un partido cu un poco conocemento di computer.

Fayo
E locual cu ta trece e fayo en realidad ta cu e encuesta ta bisa cu bo por vota un biaha so pero despues di ‘clear’ bo historia di browser, bo por vota atrobe. Nos redaccion a haci un test caminda a automatisa e proceso di votacion y asina a logra di vota casi 300 biaha den 15 minuut pa partido PPA.*

A tuma contacto cu KVK pero no a logra ainda pa combersa cu nan riba e fayo aki. Mientras tanto a tuma nota si cu e encuesta no ta activo na e momento aki riba website di KVK.

 *NOTA: Bon Dia Aruba no tin ningun tipo di afiliacion na niun partido politico. E test cu a wordo haci tabata cu proposito di ilustra e fayo.

You May Also Like

Tin un dicho cu ta bisa ‘cua ladron ta bisa cu el a horta’?

Pueblo di Aruba, semper ta bon pa bo mes como conciudadano, saca e som ...

Pa partido ReD ta dificil acepta cu ta sigui mata pueblo cu belasting

Pueblo mi ta bay comparti cu boso algo cu ta primi riba mi curason. ...

1000Voz tabata un bon iniciativa pa trece puntonan real di comunidad den plan di Gobernacion

Personanan di diferente sector a participa den e evento di 1000voz organiza door di ...

Marisol Lopez – Tromp ta presenta su mes riba partido POR finalmente

Pa algun siman tabata tin basta rumor riba futuro politico di Marisol Lopez – Tromp. ...

‘Ban celebra Dia di Betico na grandi’

Dia 25 di januari ta un fecha special pa Aruba. Un dia nacional na ...