(Billboard) – Ricky Martin y Enrique Iglesias oficialmente ta iniciando nan tour hopi anticipa e herfst aki.

E tour Norte Americano cu 26 fecha ta confirma pa cuminsa dia 25 di september na MGM Grand Garden Arena na Las Vegas, y conclui dia 20 di november na Honda Center na Anaheim. E streanan iconico di pop tambe lo bishita fanaticonan na Boston, Chicago, Los Angeles, Miami y mas.

Strea Colombiano, Sebastian Yatra lo presenta como invitado special den algun ciudad selecto.

“Pa bisa cu nos ta bayendo den tour a eleva tur nos espiritu despues di e aña profundamente dificil cu mundo a pasa y ainda ta pasando aden”, Martin a bisa den un declaracion. “Ami y henter mi personal ta hopi emociona pa trece nos miho show en bibo di forma safe na Merca y Canada, y laga e musica trece e poder di sanacion y felicidad cu nos tur mester.”

Iglesias y Martin a anuncia cu nan tabata bayendo den tour hunto na comienso di maart 2020, apenas algun siman prome cu pandemia di coronavirus a shut down gran parti di mundo.

“Mi a pensa cu esaki lo tuma luga, pero mi no tabata sa ki tempo”, Iglesias a bisa na un conferencia di prensa aña pasa, mientras Yatra a referi na e invitacion pa join e tour como ‘e momento mas surreal di mi bida’. “Si mi no tabatin chens di ta riba escenario, mi lo cumpra un ticket pa wak bo”, Yatra a bisa su compañeronan di tour. “Mi a visualisa esaki den mi bida. Nan ta dos di mi idolonan mas grandi.”

Ticket pa e fechanan nobo ta sali na benta 10am ora local riba diabierna proximo via Ticketmaster.

LEAVE A REPLY

Please enter your comment!
Please enter your name here