Erornan den investigacion no mag ripiti

Evelyn Wever Croes
Evelyn Wever Croes
Evelyn Wever-Croes(MEP)

“Locual a sosode na 2015 cu un chauffeur bou di influencia di alcohol a dal un mucha di 12 aña mata, y no wordo deteni, no mag di pasa nunca mas” lider di MEP Evelyn Wever-Croes a bisa den su disertacion. Parlamento diamars dia 20 juni 2017 a trata cambionan den ley di trafico, entre nan e coreccion di e eror den ley cu a haya hopi atencion na momento cu un mucha di 12 aña a wordo alcansa pa un chauffeur cu tabata tin mucho alcohol den su sanger, cu consecuencia fatal pa e mucha. E chauffeur no a wordo deteni y awor – dos aña despues – ta resulta cu e caso no por bin dilanti ainda, y cu lo tabata tin eror den e investigacion.

Esey tabata motibo pa e famia y conocirnan manifesta pacificamente dos siman pasa. Como parti di e manifestacion mayornan a urgi gobierno pa duna claridad den e caso y pa husticia conta pa un y tur.

“Den Parlamento awe mi a urgi e minister pa duna claridad pa trece paz pa e famianan. Pero mas aun, mi a puntra e minister pa comparti cu Parlamento kico tur a bay fout y con nos lo garantisa cu e erornan ey no wordo ripiti. Lamentablemente e minister a recori na politica di nivel baho y no kier a atende cu e topico. Minister Dowers a prefera di ataca parlamentarionan Guillfred Besaril y Andin Bikker, en bes di contesta nos preguntanan. Hasta a publica noticianan falso riba Facebook cu oposicion lo no tabata presente siendo cu nos tabata tey durante henter e reunion.

Ta tristo pa mira e nivel infantil di e minister. Ta obvio cu esaki ta un di su ultimo presentacionnan den Parlamento mirando cu e fin di su carera ta yegando. Na final mi a urgi e minister pa por fabor haci maske ta un poco esfuerso pa combati criminalidad. Pa e stop di perde tempo ta discuti cu su ex colega di partido POR ken a baha bandera di ken pasobra esey no ta yuda Aruba.

Pa nos ta importante pa haya claridad den e caso di e accidente fatal di mucha di 12 aña. E chauffeur tabata tin mucho alcohol den su sanger y no a wordo deteni pa motibo di “eror” den ley. Y aparentemente awor tin “eror” den investigacion. Tur hende kier claridad!” Lider di MEP a duna di conoce.

You May Also Like

Evelyn Wever Croes

Ban cuida nos medio ambiente di berdad no cu palabra so

Den siman ta hopi hende a haya un susto ora a mira e destruccion ...

Solucion pa problema den salubridad no tin luga pa populismo

Den e ultimo simannan nos por a tuma nota di masha hopi plannan populista ...

30Aug,JO, Abuso di mucha_Desiree.jpg

Proyecto Dreamers un proyecto sumamente bunita y necesario

Introduccion di e proyecto Dreamers algun siman pasa, ta den mi opinion un di ...

Deporte mester keda accesibel pa tur hende

  Un di e preocupacion grandi cu mi ta haya canando den pueblo ta ...

MEP no a entrega cuenta anual di ‘fraktiemedewerker’ corda di nan partido

“Aruba merece gobernantenan cu ta bisa loke nan ta haci, y ta haci loke ...

‘Maestronan merece e berdad’

E berdadero motibo pa cambia di Directie Onderwijs (DO) pa Stichting Openbaar Onderwijs (SOO) ...