Dr. Jeff Goessling, profesor asistente di biologia na Eckert College, recientemente a bolbe Aruba pa continua su estudio di Cododo (Cnemidophorus arubensis). Un estudio di varios aña unda ta gara, marca y bolbe gara e Cododonan pa asina por siña mas di nan ciclo di vida y nan distribucion.
Segun Fundacion Parke Nacional Aruba, e estudio aki a cuminsa na juni 2017 na e sitio cerca di Quadirikiri den Parke Nacional Arikok.
Durante e sondeo di siman pasa, Jeff a gara diferente Cododo cu ya tabata marca di 2017, cual ta indica cu e lagadishinan aki tin por lo menos 4 aña y ainda ta biba den exactamente e mesun area. E ta parce cu Cododo femenino ta biba mas largo cu e machonan blauw briyante. Mientras di haci e investigacion, Jeff tambe a encontra un raton nativo di Aruba (Calomys hummelincki), cual no ta comun mas.
Den e potretnan por mira un Cododo macho (blauw) y femenino (bruin). Tur dos ta Cododo marca di e poblacion di e estudio aki. Esun femenino tin un marca di januari 2019 y e macho a ricibi su chip siman pasa. E potret di e tereno ta di e sitio di estudio, segun Fundacion Parke Nacional Aruba a publica riba nan pagina di Facebook.
Comments are closed.