(AP) – Un oficial top di Union Europeo a adverti Elon Musk riba diaranson cu Twitter mester mehora medidanan pa proteha usuarionan di mensahenan di odio, mal informacion y otro contenidonan pa evita violacion di reglanan cu ta menasa e gigantenan di tecnologia cu boetnan grandi of te hasta un prohibicion den e bloke di 27 nacion.

Thierry Breton, comisario pa EU su politica digital, a conta e biyonario CEO di Tesla cu e plataforma di red social mester aumenta su esfuersonan significantemente pa cumpli cu e reglanan nobo, conoci como e Digital Services Act, cual ta premira di drenta den efecto proximo aña.

Ambos a tene un videoyamada pa trata con prepara Twitter ta pa e ley nobo, cual lo rekeri companianan di tecnologia implementa miho politicanan riba nan plataforma pa material cu ta promove por ehempel terorismo, abuso di mucha, mensahenan di odio y estafanan comercial. Esaki ta parti di un reglamento digital cu a haci Europa lider global den e intento di goberna den e poder di companianan di rednan social, potencialmente creando un choke cu Musk su vision pa un Twitter cu mas libertad. U.S Treasury Secretary Janet Yellen tambe a bisa diaranson cu un investigacion tocante Musk su compra di 44 biyon dollar no tabata for di e mesa. Breton a bisa cu e tabata contento di tende cu Musk ta considera e reglanan di EU “un strategia sensibel pa implementa riba un base mundial.”

“Sinembargo ban laga na cla cu te ainda tin hopi trabao dilanti nos,” Musk a bisa, segun un escritura di e yamada publica pa Breton su oficina. “Twitter lo mester implementa politica di usuarionan cu ta transparente, significantemente implementa moderacion di contenido y proteha e libertad di expresion, combati mal informacion y limita promocionnan dirigi specificamente na un e usuarionan.”

Despues Musk, ken a describi su mes como “un persona cu ta boga pa libertad di expresion,” a cumpra Twitter un luna pasa. Gruponan di edad cu ta monitor e plataforma pa mensahenan racista, anti-semitista y otro mensahenan toxico, manera e Cyber Civil Rights Initiative, ta bisa cu e ta den aumento riba e plataforma digital aki publico y mundial.

Musk a señala un interes den retira varios di Twitter su reglanan anterior cu tin e meta di combati mal informacion, recientemente pa medio di bandona e aplicacion su implementacion di e politica di COVID-19. Ya caba el a bolbe activa algun cuentanan cu a viola Twitter su reglanan di contenido anteriormente y a priminti cu e lo duna “amnistia general” pa medio di restaura mayoria cuentanan suspendi cuminsando for di e siman aki.

Twitter no a responde na un peticion pa comentario via e-mail. Den un publicacion separa riba diaranson, e compania a bisa cu “siguridad humano” ta su prioridad mas grandi y cu e ekipo di siguridad y confiansa lo “sigui traha fuertemente pa mantene e plataforma safe di conducta di odio, comportamento abusivo y cualkier violacion di Twitter su reglanan.”

Musk, sinembargo, a retira practicamente mita di e compania su forsa laboral, conhuntamente cu un cantidad di contratista responsabel pa moderacion di contenido. Hopi otronan a kita for di trabao, incluyendo e compania su hefe di siguridad y confiansa.

LEAVE A REPLY

Please enter your comment!
Please enter your name here