(ElNacional) – E Minister di Venezuela, Carlos Faria, a pidi diamars na e Organizacion Internacional pa Migracion (OIM) su cooperacion y asistencia tecnico pa modernisa e politicanan migratorio di e pais.

“Nos ta spera di conta cu e cooperacion y asistencia tecnico di OIM pa nan apoya nos den e fortalecemento di nos capacidadnan interno, consular y atende constructivamente e migrantenan Venezolano, specialmente e regreso sigur y den ordo”, e funcionario a señala.

Faria cu a papia dilanti e conseho di OIM a splica cu e gobierno a crea un Comision Nacional di Migracion cu ta busca actualisa, modernisa y fortalece e politicanan migratorio den nan teritorio y el a agrega “e atencion na nos migrantenan unda cu nan ta”.

Asina mes el a remarca na e organisacion e disponibilidad di Venezuela pa dialoga y coopera cu base den solidaridad entre e paisnan di salida, transito, destino y regreso.

E hefe di diplomacia chavista a indica cu e pais lo contribui na e fortalecemento di OIM, e ehecucion di politicanan, como tambe miho acuerdonan na fabor di e migrantenan.

El a agrega cu Venezuela ta impulsa, como parti di su politica, un gestion pa atende e fenomenonan migratorio cu lo faborece ainda mas e estadia regular, inclusion y integracion di personanan stranhero den e sociedad Venezolano for di nan mesun ingreso na e frontera.

1 COMMENT

  1. The best assistance that this guy can give to the venezuelans refugees is for him and all his croonies to resign and leaving the country.

LEAVE A REPLY

Please enter your comment!
Please enter your name here