(AP) – E Comision Europeo a autorisa e prome medicamento di un solo dosis den mundo pa trata un virus respiratorio cu ta causa malesa den miyones di baby y mucha globalmente tur aña.
Den un declaracion diabierna, Sanofi y AstraZeneca a bisa cu e Comision Europeo a duna luz berde na Nirsevimab, un anticurpa desaroya den laboratorio pa proteha babynan durante nan prome tempo exponi na Respiratory Syncytial Virus (RSV), cual ta un infeccion sumamente contagioso cu ta comun y ta afecta casi tur baby di te hasta 2 aña.
Actualmente, e babynan den riesgo por ser duna vacunanan mensual pa proteha nan durante e temporada di RSV.
Den september, European Medicines Agency a recomenda pa Nirsevimab, bendi como Beyfortus, keda autorisa a base di un investigacion avansa cu a demostra cu e medicamento ta reduci e chens cu un baby cu RSV lo mester atencion medico y aparentemente ta brinda proteccion, compara cu e babynan cu a ricibi un vacuna di control. E medicamento ta ser duna cu un solo inyeccion.
“Nos ta contento cu e oportunidad di por expande prevencion na tur baby,” Silke Mader, co-fundador di e European Foundation for the Care of Newborn Infants a expresa.
