(AP) – E unico boluntario den un estudio tocante un tecnica di edita genetica a fayece, y e personanan tras di e estudio aki awo ta purbando saca afo kico exactamente a causa su fayecimento.
Terry Horgan, hoben di 27 aña ken tabatin Duchenne Muscular Dystrophy a fayece luna pasa, segun Cure Rare Disease, un agencia basa na Connecticut pa su ruman homber, Rich, pa purba y salba su persona di e condicion fatal.
Aunke te ainda no ta conoce hopi tocante con el a fayece, su fayecimento a tuma luga durante un di e prome estudionan pa cu edita genetica crea pa un persona. E ta treciendo dilanti preocupacionnan y pregunta tocante e prospecto general di e tipo di terapianan aki, cual a trece dilanti speransa dentro di varios famia enfrentando malesanan poco comun y debastador.
“E idea cu nos por haci terapia unda cu ta diseña genetica, mi lo bisa, ta hopi incierto,” Arthur Caplain a expresa, un medico etico na New York University cu no ta envolvi den e estudio. “Nos ta tratando algo extremo di experimentacion.”
E prome etapanan di e estudio aki tabata auspicia pa e organisacion, lidera pa Dr. Brenda Wong na University of Massachusetts Chan Medical School y aproba pa Food and Drug Administration. E speransa tabata di usa un herment pa edita genetica CRISPR pa trata Horgan su forma particular di Duchenne Muscular Dystrophy. E malesa poco comun y genetico aki cu ta gasta musculo ta causa pa un mutacion den e genetica necesario pa produci e proteina yama dystrophin. Mayoria persona cu Duchenne ta fayece di problemanan den pulmon of curason causa pa esaki.
Actualmente, e no ta cla si Horgan a ricibi e tratamento of si CRISPR, otro aspectonan di e estudio of e malesa mes a contribui na su fayecimento. Mortonan no ta poco comun den estudionan clinico, cual ta test tratamentonan experimental y hopi biaha ta trata personanan hendenan sumamente malo.
