In this photo released on Saturday, Dec. 11, 2019 by the European Space Agency (ESA), the Cheops satellite, installed on the flight adapter ring is being placed on the Soyuz Fregat launch vehicle. European space officials on Tuesday, Dec. 17, 2019 postponed the launch of a three-year mission to study planets in other solar systems shortly before it was due to blast off. (M. Pedoussaut/ESA via AP)

Oficialnan espacial Europeo ayera a pospone lansamento di un mision di tres aña pa studia planeta den otro sistemanan solar, poco prome cu e mester a despega.

Agencia Espacial Europeo (ESA) a anuncia cu e lansamento for di Kourou, French Guiana, di e mision Characterising ExOPlanets Satellite (CHEOPS) lo ser retrasa pa sikiera un dia. Tabata poni pa 0854 GMT (3:54am EST).

Director di Ciencia di ESA, Guenther Hasinger a tweet cu ‘un eror den software di etapa superior di Fregat’ di e raket Soyuz tabata responsabel pa e retraso. “Cu e mision compleho aki nos no lo tuma ningun riesgo”, el a agrega, consehando hende pa ‘tene dede crusa pa un lansamento mañan’ na mes momento.

Arianespace di Europa, cual ta operando raket Ruso, Soyuz for di Kourou desde 2011, a bisa durante conteo cu e ‘secuencia automatisa di launcher di Soyuz tabata interumpi na 1 ora 25 minuut prome cu lansamento’. E launcher a ser poni den modo standby sigur.

E agencia a bisa cu lo anuncia e proximo fecha di lansamento pronto.

E mision lo enfoca riba 100 di e mas di 4mil planeta extrasolar – esunnan mas leu cu nos propio sistema solar – cu a descubri te awo, parcialmente pa determina si tin posibilidad di un planeta similar na Tera, capaz di sostene bida, segun astronomo Suiso y ganado di premio Nobel di fisica, Didier Queloz, kende ta lidera e team cientifico di CHEOPS, a bisa AP.

“Nos ta un sistema planetario entre hopi”, el a bisa. “Ta trata di nos luga den universo y purba di compronde esaki.”

Un telescop espacial lo analisa e densidad di e exoplanets y nan radii y determina si nan tin atmosfera, segun Queloz. “Nos no sa nada, excepto cu nan t’ey”, el a bisa.

Unabes na su luga, e telescop lo enfoca riba streanan briyante pa determina e tamaño di exoplanets mientras nan ta pasa dilanti di nan strea anfitrion.

LEAVE A REPLY

Please enter your comment!
Please enter your name here