Eventualmente gobierno no lo haci mas uzo di fondo di ATA pa aspecto di siguridad den area hotelero

siguridad area turistico (1).jpg

Minister di Husticia, sr. Arthur Dower a revela na Bon Dia Aruba cu por ta nan no ta bay haci uzo por ta di e fondonan di ATA pa trece mas siguridad den e area hotelero y turistico di nos isla. Esaki ta debi cu e disponibilidad di e fondo aki ta treciendo polemica cune, ya cu apesar cu nan a bin cu mas polis, ta wordo treci un confusion den comunidad riba aspecto di siguridad den e area aki.

E mandatario Dowers a declara cu e tempo aya nan a palabra cu ta wordo poni 20 polis adicional den e area hotelero; y nan a pone no 20 sino 25 polis adicional den e area turistico, y nan a haya e suma di 700 mil florin anual pa sostene e polis den material.

Esaki ta trece cun’e cu nan a aumenta e presencia di polis den e area aki, pero nos tin cu realisa cu e ta un area cu a crece ultimo aña considerablemente.  “A bin mas negoshi, mas actividad nocturno y a bin mas risico den e area aki”, segun e mandatario. El a agrega cu unda tin risico mester percura cu cada bes cu e risico ta aumenta tin medida cu por tuma cu por reduci e risiconan.

Responsabilidad mas grandi

No mester desconoce cu nos ta un pais turistico completo y no manera Jamaica of Republica Dominicana, unda nan area turistico ta limita. Pero considerando cu henter nos isla ta turistico, pues e responsabilidad ta mas amplio y compleho.   “Cualkier persona cu tin poco sentido comun ta comprende cu e ora ey e trabou y responsabilidad cu nos tin ta mucho mas grandi cu un pais manera Rep. Dominicana of Jamaica”, el a laga sa.

Apesar di tur circunstancia e ta haya cu Aruba ta un pais bendiciona y no manera otro pais caminda e turistanan no mag di Sali for di hotel pa motibo di insiguridad. Pero e ta admiti cu cosnan riba tereno di insiguridad cu nan no ta contento cune.

E mandatario ta lamenta cu tin criticanan cu ta wordo lansa pero den su concepto algun di e personanan cu ta bin cu e criticanan aki  no tin un stimacion pa atende cu esnan cu ta den problema. E ta haya cu tin hende den nos comunidad cu no a saca un dede  berdaderamente pa preveni cu nos muchanan cay den gara di delincuencia.

You May Also Like

mucha fotografia 2.JPG

Mucha Omran: E berdadero cara cu guera tin

Ayera a wordo celebra Dia Mundial di Fotografia.  Un fecha cu  ta aparece riba ...

Bishita di websitenan di porno ta algo normal na Aruba

Un total di cuater website di porno ta den e top cincuenta webistenan mas ...

Artur Dowers.JPG

Minister: Atraconan arma ta aumentando

Minister di Husticia Arthur Dowers conhuntamente cu alto comisario Dolfi Richardson a bisa riba ...

ed3fd82e-2df8-4266-8f2e-e0d8e014b8e9.jpg

Polis a detene sospechosonan peligroso den Saliña Cerca

Relaciona cu un investigacion grandi andando di algun tempo caba, diabierna anochi a forma ...

19mrt, JM, Camara di Comercio.jpg

Camara di Comercio y industria: Public – Private – Partnership (PPP) na Aruba (part 1)

Cu cierto atencion Camara di Comercio y Industria  (KvK) ta siguiendo den e ultimo ...