Ex parlamentario Melvin Tromp ta sigui denuncia: Hendenan liga na gobierno y parlamento envolvi den abuso sexual di menor

Ex parlamentario y vocero di AVP, Melvin Tromp, a denuncia publicamente -sin menciona nomber- cu tin cinco persona envolvi den caso di e caliber aki cu a bay riba e lista ultimo di MEP. Tin dos parlamentario di e fraccion di MEP cu tabata directamente envolvi den casonan relaciona cu e tipo di abuso aki, el a bisa.

Tambe el a laga sa cu e prome mandatario tabatin un persona cu tabata traha den Bestuurskantoor cu a wordo sentencia pa abuso contra menor di edad. Tambe –segun Tromp– tin tres otro di nan cu tabata envolvi den casonan di e mesun indole; y te awe, e prome mandatario no a haci nada.

Tromp ta kere cu a yega momento pa e mandatario aki ‘clear up the mess’ den nan propio fraccion, y tuma e curashi di cuestiona nan riba e tipo di acusacion aki cu ta wordo presenta continuamente. El a menciona un caso di un mucha cu a wordo abusa den dos ocasion den area di Noord. Igualmente, Tromp a reta e lider di fraccion di MEP, ya cu te awe e tin un silencio hermetico y no a presenta e sentencia.

El a bisa cu gobierno mester atende cu e problema aki seriamente, cu ya caba ta causando un impacto. Segun Tromp, e cifranan di casonan registra na cuerpo policial riba abuso di mucha ta mustra cu 31 caso a keda registra durante loke tin cori di e aña 2019. “Esaki ta un preocupacion cu ta sutando e pueblo aki, y ta mas ta biniendo,” el a bisa.

Segun Tromp, hopi hende ta cuestiona con ta posibel cu den bo organo mas halto ‘bo tin dos sinta ey aden’, di esunnan cu ta abusa sexualmente di menor di edad. E ta keda insisti cu e prome mandatario, Evelyn Wever-Croes, mester cumpli cu su promesa y mester cuminsa clear up e hendenan cu a yega di comete e tipo di acto aki den su partido y den nan fraccion.

Te hasta reunion cu mester tuma luga den parlamento rond di e tema aki no ta tuma luga, ya cu e no tin importancia di parti di nan. “Pasobra nan tin hendenan cu ta envolvi den e mesun tema aki sinta den parlamento, e organo di mas halto!,” Tromp a bisa.

Diabierna ultimo, un manifestacion contra abuso sexual di menor a entrega un manifiesto na gobierno, pa atende cu e problematica aki. Igualmente, Tromp a laga sa cu e ta apoya e manifestacion di mañan atardi contra abuso sexual di mucha.

 

 

You May Also Like

SVb ta den un aña di ‘high season’ den registracion di aseguradonan y empresanan

Un fondo administra pa  Banco di Seguro Social (SVb) cu semper tabatin su reto ...

Sentencia den caso asesinato Wayaca aki tres siman

Reaccion di miembronan di famia despues di tratamento di caso Wayaca awe den corte. ...

Operadonan di tour turistico a cera entrada di waf di crucero como protesta

Ayera mainta tempran un grupo di  tour operator a dicidi di blokia cu nan  ...

Importancia di lenga materno

ORANJESTAD – Bon Dia Aruba a acerca traductor y linguista Ramon Todd Dandare pa ...

IMG-20160809-WA0000.jpg

Ladronicia ta hopi activo den e dianan aki

Ladronnan ta hopi activo den e dianan aki. Un biaha mas un auto producto ...