Merca: San Francisco ta prohibi polis uza tecnologia di reconocemento di cara

Supervisornan na San Francisco a vota ayera pa prohibi uzo di software di reconocemento di cara entre polis y otro departamentonan di e ciudad, convertiendo den e prome ciudad Mericano pa prohibi e tecnologia desaroyando rapidamente, cu a alarma defensornan di privacidad y libertad civil.

E prohibicion ta parti di un legislacion amplio cu ta rekeri departamentonan di e ciudad establece politicanan di uzo y ricibi permiso di e hunta pa tecnologia di vigilancia cu nan kier cumpra of uza. Varios otro gobierno local ta rekeri departamentonan revela y pidi permiso pa tecnologia di vigilancia.

“Esaki ta realmente pa bisa: ‘Nos por tin siguridad sin ta un estado di siguridad. Nos por tin bon polis sin mester ta un estado di polis’. Y parti di esey ta construi confiansa cu e comunidad basa riba bon informacion comunitario, no riba tecnologia di Big Brother”, a bisa Aaron Peskin, campeon di e legislacion.

E prohibicion ta conta pa polis na San Francisco y otro departamentonan municipal. E no ta afecta uzo di e tecnologia pa gobierno federal na puerto y aeropuerto, ni ta limita uzo personal of di negoshi.

E hunta di San Francisco no a pasa tempo diamars debatiendo e prohibicion completo di tecnologia di reconocemento di cara, enfocando mas riba e posibel presion riba polis, e sistema di transito y otro agencianan den e ciudad cu mester mantene siguridad publico.

Peskin a bisa cu no ta cla cuanto departamento di San Francisco ta uzando vigilancia ni pa ki proposito, Peskin a bisa. Tin motibo valido pa lesa nummerplaat, camara riba curpa, y camara di siguridad, el a bisa, pero e publico mester sa con e hermentnan ta wordo uza, of si nan ta wordo abusa.

Departamento di polis di San Francisco a stop di test tecnologia di reconocemento di cara na 2017. Un representante na e reunion di e hunta diamars a bisa cu e departamento lo tin mester di dos pa cuatro empleado nobo pa cumpli cu e legislacion.

Defensornan di privacidad a reta proponentenan di siguridad publico na varios audiencia emocional na San Francisco, un ciudad yen di innovacion tecnologico, y sede di Twitter, Airbnb, y Uber.

Esunnan na fabor di e prohibicion ta bisa cu e tecnologia tin fayonan y ta un menasa serio contra libertad civil, specialmente den un ciudad cu ta balora protesta publico y privacidad. Nan ta preocupa cu hende un dia no lo por bay centro comercial, parke of scol sin wordo identifica y sigui.

Pero criticonan ta bisa cu polis mester tur e ayudo cu nan por haya, specialmente den un ciudad cu un perfil halto di eventonan y cifranan halto di crimen di propiedad. Cu hende ta spera di haya privacidad den espacionan publico no ta rasonabel, mirando e cantidad di celular y camara di vigilancia, segun Meredith Serra, miembro di un grupo di residente pa siguridad publico, Stop Crime SF. “Pa mi, e ordenansa ta mustra un costo adicional di burocracia cu realmente no ta haci nada pa yuda e siguridad di nos ciudadano”, el a bisa den e audiencia.

Ciudad di Oakland ta considerando legislacion similar.

 

You May Also Like

Inundacion grandi na estado di Houston: 2.000 hende rescata for di e area

E ciudad Mericano di Houston ta enfrentando inundacionnan grandi, nunca mira den historia di ...

Polis a haya 38 bari di droga den sloot na Zeeland

ZEELAND – Recien autoridadnan a haya 38 bari cu posiblemente desperdicio di droga den ...

Auto di Diana tabata un “trampa di morto”

E vehiculo cu Princess Diana a fayece den dje tabata aparentemente uno cu a ...

THU_10_YEAR_OLD_THUMB_V2_250816.jpg

Mama y dos otro persona aresta despues di abuso y asesinato di mucha muhe di 10 aña

New Mexico: Tres persona ta ser acusa di asalto brutal di abuso sexual y asesinato ...

Candela den avion na Rusia ta laga 13 fayecido

Diestres persona a perde nan bida diadomingo den un accidente di avion cu candela ...

America Latino: Varios reaccion riba huramentacion Nicolas Maduro

E huramento di Nicolas Maduro pa e proximo termino di seis aña como presidente ...