Ex prome minister Mike Eman a duna un ‘gastcollege’ na Universidad di Leiden

ORANJESTAD- Recientemente ex prome minister Mike Eman a duna un ‘gastcollege’ na Universidad di Leiden. Eman a wordo introduci dor di Prof. dr. Jorrit Rijpma den nomber di e Instituto Europeo di Universidad di Leiden ilustrando e carera politico di Eman,  particularmente su rol importante den realisacion di e derecho di voto pa Antiano y Arubianonan pa parlamento Europeo.

Eman a enfoca riba algun tema importante manera e paisnan ultramar, e structura moral y racional di Reino Hulandes, e principionan di igualdad y e derecho di voto pa Parlamento Europeo. Su lectura a wordo marca tambe pa loke ta e eleccionnan venidero di parlamento Europeo na mei di e aña aki.

Presente na e gastcollege tabata un cantidad grandi di studiante y graduadonan den Ley Europeo, pero tambe conocirnan di Aruba, entre nan Rosita Croes (viuda di Mito Croes, minister y miembro di Raad van State), Laurens Jan Brinkhorst (ex-minister y ex catedratico den Derecho Europeo na Universidad di Leiden), Mildred Schwengle (miembro di Raad van State pa Aruba) y ex wethouder Karsten Klein (candidato pa parlamento Europeo di CDA) y ex Miembro di Raad van State pa Antias, Sr. Wawoe).

Eman a cuminsa su college den forma significante cu un expresion haci door di Reina Wilhelmina na 1942 den relacion cu Reino unda varios pais hunto ta forma parti, mientras cada un di nan ta independiente pa actua y tuma nan propio decisionnan, ‘steunend op eigenkracht, doch met den wil elkander bij te staan’.

Den luz di e acontecimentonan na Venezuela Eman a enfatisa cu un cooperacion den Reino awor mas cu nunca ta importante. Esey ta conta tambe pa e posicion strategico di Aruba, no solamente den siglonan cu ta tras di lomba, pero tambe awor.

Banda di esaki Aruba, segun Eman, kier keda envolvi den un integracion mas aleu di Reino den Union Europeo. ‘Nos ta mira den esaki un situacion win-win pa Hulanda y Aruba. P’esey mi ta un defensor pa re-inicia e discusion riba e opcion pa Aruba ta un region utraperiferio di Union Europeo.”

Dr. Vestert Borger, docente universitario di Derecho Europeo na e Instituto Europeo di Universidad di Leiden, a gradici Eman pa su tremendo college cu el a yama un contribucion special na mas y miho  comprension na Hulanda pa e posicion di Aruba, e historia di Status Aparte y e ambicion di Aruba pa ta mas envolvi den Union Europeo. Vestert Borger a doctora na inicio di 2018 cum laude cu su tesis ‘The Transformation of the Euro: Law, Contract, Solidarity’.

Eman actualmente ta forma parti di varios instituto cu ta concentra nan mes den promove sostenibilidad y prosperidad comparti. Den e calidad ey e tabata recientemente keynote speaker na Bermuda y Belize unda el a papia riba energia renobabel, SIDS y oportunidadnan nobo pa paisnan isleño pa nan ta areanan di “research & development” den busca y haya solucionnan pa retonan global manera cambio di clima, maneho di oceano, desaroyo di energia alternativa y erosion di tera y tambe bou awa, modelonan socioeconomico cu ta conduci na resultadonan husto pa e ciudadano.

 

You May Also Like

Cifranan di Banco Central ta mustra ribas aumento den economia di 3.%%

Parlamentario Chris Dammers a mustra cu a base di e prome kwartaal di Banco ...

Ady Thijssen no por papia di bon gobernacion si el a sostene mal gobernacion

  Partidonan di oposicion ya no sa mas kico nan inventa of gaña pa ...

‘Ta di lamenta cu a scoge docentenan na Aruba pa bira proefkonijn’

Segun sra. Arends-Reyes e topico di independisacion di scolnan publico ta sigui hala atencion ...

Pa prome bes presidencia di Parlamento ta den man di dos funcionario policial”

Diabierna dia 17 di November 2017 tabata un dia masha particular pa Pais Aruba. ...

Schwengle.jpg

Ex minister Schwengle ta lamenta e expresionnan di Otmar Oduber

Recientemente minister Otmar Oduber(POR) a duna un rueda di prensa caminda e ta bisa ...

KvK desapunta cu comportacion di publico na segundo debate electoral

Na final di e anochi pa locual tabata e segundo debate electoral ayera organisa ...