‘Expedicion Arkeologico edicion Fin di Aña’

Museo Arqueologico Nacional Aruba (MANA), hunto cu Stichting Monumentenfonds, ta ofrece tur hende cu ta interesa den historia di nos antepasadonan, un expedicion arkeologico. E actividad lo ta gratis.

Ya pa tres aña MANA ta cera cabes cu Stichting Monumentenfonds y ta participa den luna di monumento, cual ta september, treciendo e actividad di e expedicion arkeologico pa asina conscientisa pueblo di Aruba cu sitionan arkeologico cu tambe ta monumento, y mester di nan preservacion (conservacion, proteccion y maneho).

E actividad aki a demostra di ta uno hopi exitoso y a pidi pa un ripiticion.

Cada aña a cambia e ruta y a inclui otro sitionan arkeologico como tambe sitionan cu por ehempel di arte contemporaneo inspira pa nos antepasadonan. E formula aki a haci cu e expedicion a keda atractivo pa tanto esunnan cu nunca antes a participa, como tambe pa esunnan cu ta participa fiel cada aña.

Atrobe a adapta e expedicion y lo inclui 2 sitio cu ta riba tereno priva. Pues e aña aki tin e oportunidad unico pa mira 2 sitio cu normalmente no ta accesibel pa bishitante y alabes e participante por haya un experiencia con nos herencia cultural arkeologico tambe por ser conserva den un setting priva.

Alabes lo bishita e sitio arkeologico na Santa Cruz 35, na unda e team di arkeologo y assistent di arkeologo a haci descubrimentonan unico unda informacion nobo a sali for di nan investigacionnan na unda un parti di historia di nos isla ta haya un version nobo. Na cada sitio arkeologico lo tin expertonan den arkeologia presente cu por duna un bista unico na e participantenan di e expedicion arkeologico aki, tocante e sitio specifico nan.

Cada participantenan por haci uzo di e parkeerplaats pa pone nan auto y subi den un dje busnan. Pa esunnan cu ta prefera di haci e recorido cu propio transporte, por pasa busca un mapa na MANA of sigui un di e busnan.

Museo Arqueologico y Stichting Monumentenfonds ta hopi gradici na De Palm Tours, cual a pone 3 bus disponibel, pa asina haci e expedicion arkeologico pa e aña aki posibel. Un danki tambe na MFA Paradera pa e colaboracion encuanto e parkeo, na sr. Schoonen y na Stichting Eliezer pa haci e sitionan arkeologico riba nan tereno accesibel pa publico riba e dia special aki y na tur boluntario cu ta yuda MANA pa haci e actividad interesante aki posibel.

Cupo riba e busnan ta limita, pues yama Museo Arqueologico na: 582-8979 pa registra bo famia of grupo di amigo pa asina sigura bo  luga riba e bus. Participantenan mester percura pa trece suficiente awa, algo di snack, sunblock, spray contra sangura y bisti un bon sapato pa e sitionan unda cu lo mester cana un pida den mondi.

E recorido lo cuminsa na e MFA Paradera, riba diadomingo dia 26 di november entre 10or di mainta pa 2or di merdia, den un ambiente di fin di aña y lo encera un bishita na e dushi actividad di Monumentenfonds di ‘Fiesta di Cunucu’. Participantenan mester ta na MFA Paradera pa 9.30 am pa confirma nan presencia.

 

You May Also Like

image.jpeg

Kustwacht a laga destrui boto cu ilegalnan a laga atras na santana di cacho

Ta mustra cu e boto La Cumanesa, las Piedras a yega Aruba diamars den ...

‘No bay Venezuela mientras cu no tin un solucion’

Venezuela ta bolbe cera su fronteranan pa Aruba, Corsou y Bonaire. Esaki gobierno di ...

‘Anuncio recien di Citgo ta lamentabel y fuera di nos control’

Den cuadro cu e noticia recien di e ‘slow down’ di Citgo, parlamentario di ...

Caso di depresion post parto mester di atencion mas profesional na Aruba

Un embaraso ta exigi cierto preparacion cu e pareha mester tene cuenta cu nan. ...

Sexual harassment no ta haya atencion necesario na Aruba

Despues cu e organisacion About Workplace Harassment (AWH) a publica su investigacion cual a ...

image.jpeg

Minister Paul Croes: E siman aki ta formalisa nombramento di Inspector nobo di Labor

 Diamars awo Minister di Labor, drs. Paul Croes ta presenta na Conseho di Minister di Gabinete Mike Eman II e persona cu ta propone pa bira e Inspector nobo diLabor. E comision encarga a evalua e diferente aplicacion ricibiy a scoge e miho candidato cu awo lo mester keda ratifica pa Gobierno y asina apunta pa dirigi e departamento di Inspecciondi Labor. “Un di e prome tareanan importante cu e Inspector nobo lo mester haci hunto cu su ekipo di inspectornan, ta trahariba e maneho di loke nos ta yama e ‘Bestuurlijk Handhaving,’ asina e titular di labor a indica. Minister Paul Croes a instala un comision cu e tarea di buscaexpertonan den ...