Un restaurant di pizza bashi a explota na un centro comercial unda cu mas di 20 persona a keda herida y pida largo di concreto tabata bula rond den aire.
Explosion a yega den caminda druk di Plantation, cerca di Fort Lauderdale. E restaurant a keda destrui, cerca di negoshi y autonan a keda daña. Brandweer a haya liña di gas. Autoridad a bisa cu ta trempan pa determina e causa.
‘Nos a kere tabata un lamper prome, despues a sinti cu edificio a tembla y cosnan a cuminsa cay. Nos a wak pafo y a sinti manera fin di mundo, e tabata loco’, Alex Carver a bisa. 21 persona a keda herida pero ningun su bida ta den peliger, polis Jesica Ryan a informa.
E explosion a laga atras solamente algun parti metal. E restaurant cu yama ‘pizzafire’ a keda sin funciona pa algun luna. E explosion tambe a pone cu bentana di un gym popular a kibra na e centro comercial di Broward County.
Jesse Walaschek a bisa cu el a sali di e gym cu su casa y su tres yiu di 4, 6 y 8 aña di edad. Nan tabata staciona cerca di e restaurant y a core 45 meter leu, ora nan a tende explosion. “Un explosion grandi, mi nunca a experiencia.” Segun Walaschek tur cos a stop, e kier a saca su famia sigur. Si tabata algun minuut prome, ora cu su yiunan tabata drenta auto, e situacion por a bira malo.
Hefe di Batayon di Departamento di Brandweer Joel Gordon a bisa cu tabata tin lek di gas ora nan a yega, pero no por bisa si ta sigur cu a causa e explosion. ‘Nos ta contento cu ningun hende a fayece, e ta malo pero e por tabata pio’, Gordon a bisa.
