Partido di coalicion VVD a propone pa converti rescate di inmigrantenan y evita cu nan hoga riba lama, un crimen; a pesar cu tratadonan internacional ta haci esaki un obligacion.
E plan tin apoyo di mayoria den Parlamento, danki na e apoyo di e partner di e cabinet Democrat Chirstiano CDA y oposicion PVV, FvD y SGP, segun e NRC. Sinembargo e dos partidonan mas chikito di e coalicion, VVD y ChristenUnie, ta opone fuertemente na e movecion.
E problema a converti den un punto di discordia na Hulanda, debi na e papel di e barco registra na Hulanda Sea Watch 3’s den e rescate di inmigrantenan cu a intenta di crusa e lama Mediteraneo di noord Africa.
Siman pasa Hues Italiano di ayudo di migracion ilegal a libera e Capitan Aleman Carola Rackete di Sea Watch 3. El a ser aresta despues di su yegada na Sicilia cu un grupo di migrante, pero e Hues a bisa cu e tabata cumpliendo cu su deber di ‘salba bidanan humano’.
E convencion di Nacionnan Uni tocante e Derecho di lama na 1982 a ser establece pa motibo cu e barconan ta ofrece asistencia na e personanan y otro barconan den peliger riba lama. Sinembargo e diputado di VVD Jeroen van Wijngaarden a bisa cu e kier pa ley sigura cu e misionnan di rescate no ta ser uza pa asina facilita traficacion humano.
“Nos kier pone e dilema cu e partidonan ta enfrentando: Con bo por evita cu un barco di rescate ta converti den un servicio di ferry pa inmigrantenan ilegal” El a bisa.
