Exxon mobil ta inverti 5000 miyon dollar den petroleo offshore

Segun informacion di e agencia EFE, e compania Mericano Exxon Mobil, e empresa mas grandi den petroleo y gas na mundo, a anuncia cu e lo ta invertiendo 5.000 miyon dollar den exploracion pa obtene petroleo na Guyana, desde 2020.

E responsabel di Exxon Mobil na Guyana, Jeff Simon, a bisa den un conferencia di prensa na Guyana cu e filial Esso Exploration and Production Guyana Limited (EEPGL) a solicita un licencia di produccion y cu a contrata un compania specialisa den construccion di plataforma flotante.

Desde e plataforma lo saca petroleo di fondo di lama y ta almacena esaki pa ser transporta pa un refineria, prome cu comercialisacion. E plataforma lo tin capacidad di almacenahe te 100.000 bari di petroleo diario, y tambe lo separa gas y awa di e petroleo recogi. Ta spera cu Exxon Mobil lo bora 17 pos di petroleo.

Nota di redaccion
E exploracionnan di Exxon y otro empresanan na Guyana a bay acompaña pa varios problema. Ta existi ainda e conflicto di frontera cu Venezuela cu ta reclama un parti grandi di teritorio Guyanes como su propiedad legitimo, incluyendo e teritorio marino cu ta pertenece na esaki. Na januari 2017 tabatin otro asunto, unda a acusa Exxon Mobil di a financia campaña electoral na Guyana na 2015. Gobierno Guyanes a desmenti esaki. Rex Tillerson, actual secretario di estado den gobierno di Trump, den e periodo menciona tabata CEO di Exxon Mobil.

You May Also Like

Venezuela: Yegada di casi 100 militar Ruso

Diasabra pasa, den oranan di atardi a yega Aeropuerto Internacional Simon Bolivar (Maiquetia) un ...

Mexico a rechasa di ta e di dos pais mas violento di mundo

Diahuebs gobierno di Mexico a rechasa cu nan ta e di dos pais mas ...

Edificio di 26 piso a pega candela y cay den otro na Sao Paulo

Un edificio na Sao Paulo, cu antes tabata pertenece na cuerpo policial federal, pero ...

Riba solicitud di Merca, a detene na Spaña un ex-vice ministro di Hugo Chavez

Ex-vice ministro di energia electrico di gobierno di Hugo Chavez, Nervis Villalobos a keda ...

Ex-funcionarionan di gobierno Mujica bao investigacion pa negoshi cu Venezuela

Dies funcionario di gobierno di ex-presidente di Uruguay José Mujica a ser denuncia pa ...