facebook-graveyard-image-1-6899212161-520x347.jpg

Lo por tin mas hende morto cu bibo riba Facebook den aña 2098 segun un estadistico. E beleid di Facebook di no automaticamente elimina bo pagina despues cu bo fayece, por nifica cu un dia lo por tin mas hende morto cu bibo riba Facebook.

Esaki ta pa motibo di e cantidad di usarionan nobo y e beleid di Facebook pa no automaticamente elimina bo pagina despues cu bo fayece cual nan mes a programa esaki den e sistema. 

Esaki ta un observacion di estadistico Hachem Sadikki di University of Massachusetts.
Alomenos 1 miyon usuario di Facebook por spera di muri e aña aki riba su mes – cual tabata 385,000 den 2010 ora cu Facebook tabata tin un base mas chikito.

Den e beleid nobo di Facebook ta para cu ora un usuario fayece, su pagina ta automaticamente transforma den un memorial.
E unico manera cu bo por elimina e pagina ta pa laga un otro persona haciele. Mirando cu no ta hopi hende ta comparti nan password, no ta tur hende lo por kita e paginanan di nan ser keri.

E problema tambe por ta un poco fastioso pa motibo cu e difunto su hacimento di aña ta keda aparece.

Facebook a cuminsa puntra hende pa apunta un ‘Legacy Contact’ prome cu nan muri. E persona aki por ta un contacto cu ta haya e poder pa skirbi un ultimo post despues di e morto di e persona, y tambe pa cambia e pagina of elimina esaki.

Source: Sky News

LEAVE A REPLY

Please enter your comment!
Please enter your name here