Facebook ta bisa servicio ta limita pa falta di noticia local

E esfuerso di Facebook pa establece un servicio cu ta duna usuarionan noticia y informacion local ta limita pa e falta di ‘outlets’ unda e tecniconan di e compania por haya reportahe original.

E servicio, lansa aña pasa, actualmente ta disponibel den como 400 ciudad na Merca. Pero e gigante di red social a bisa cu el a haya cu 40 porciento di Mericanonan ta biba den luganan unda no tabatin suficiente noticia local pa sostene e servicio.

Facebook a anuncia dialuna cu lo cuminsa comparti su investigacion cu academiconan na universidadnan di Duke, Harvard, Minnesota y North Carolina, kende ta studiando e alcance di ‘desiertonan noticiero’ crea pa ceramento di corant local y downsizing di empleadonan.

Como 1800 corant a cera na Merca durante e ultimo 15 aña, segun Universidad di North Carolina. Cupo di trabou na noticiero a baha cu 45 porciento, mientras e industria ta lucha cu un model di negoshi kibra en parti pa e exito di companianan riba internet, incluyendo Facebook.

E servicio di Facebook, yama ‘Today In’ (Awe na), ta colecta storianan di noticieronan local hunto cu gruponan di comunidad y gobierno. E compania ta considera un comunidad no apropia pa ‘Today In’ si no por haya un solo dia den un luna cu sikiera cinco noticia disponibel pa comparti.

“E ta afirma e hecho cu nos tin un falta real di reportahe original local” a bisa Penelope Muse Abernathy, un profesor na North Carolina kende ta studia e topico. El a bisa cu e ta spera cu e data lo yuda revela areanan unda e necesidad ta mas grandi, eventualmente hibando na algun idea pa solucion.

Facebook no necesariamente tin contesta. “Tur hende ta siña di traha hunto” Anne Kornblut, director di iniciativa di noticia na e compania, a bisa.

E compania tin plan pa duna como 100 beca, entre $5,000 y $25,000 cada un, na hende cu idea pa haci mas noticia disponibel, segun Josh Mabry, hefe di sociedad di noticia local na Facebook. Esey ta bin ademas di $300 miyon na beca cu Facebook a anuncia pa yuda programa y partnership diseña pa impulsa noticia local.

Sinembargo, Kornblut a bisa cu e compania no tin plan di lansa su propio esfuerso di colecta noticia. “Nos historia ta – y probablemente nos lo sigui asina – pa laga periodistanan haci locual nan ta haci bon, y permiti nos duna nan sosten y laga nan haci nan trabou”, el a bisa.

 

You May Also Like

Facebook defensivo contra preocupacion pa salud mental di moderadornan

ESTADONAN UNI (CNET) – E red social ta defende su practica di contrata contratistanan ...

Plan di expansion di aeropuertonan Rotterdam y Eindhoven interumpi temporal

ROTTERDAM — Un mayoria di parlamentarionan a bisa cu tin un interupcion temporal di ...

rtr2rzfy-1-736x414.jpg

Taiwan ta accidentalmente lansa un misil contra China

E boto di patruya Chinchiang di mas cu 500 ton tabata bao di inspeccion ...

horcan Patricia

Horcan mas fuerte, Patricia, yegando Mexico

US National Hurricane Center a marca horcan Patricia como e tormento mas fuerte midi ...

161125-mexico-0420_8e5743c98ca12da7a6d45b86babb9cf6.nbcnews-ux-2880-1000.jpg

Mexico: 9 cabes humano y 32 curpa haya den graf secreto

Investigadornan cu tabata buscando entre grafnan clandestino a topa cu 32 curpa y 9 ...