Brazil's President Jair Bolsonaro attends a speech at the Ministry of Economy, in Brasilia, Brazil, Friday, Oct. 22, 2021. (AP Photo/Eraldo Peres)

(AP) — Facebook y Instagram a elimina for di nan plataforma un transmision en bibo cu presidente di Brasil, Jair Bolsonaro a duna den cual el a bisa cu hende na Reino Uni cu a ricibi dos dosis di vacuna di coronavirus ta desaroyando AIDS (SIDA) mas lihe cu loke a spera.

Oficina di prensa di Facebook a confirma den un declaracion via email na AP cu e contenido a keda elimina riba diadomingo anochi pasobra el a viola e politica di Facebook pa vacuna di Covid-19.

“Nos politicanan no ta permiti declaracion cu vacuna di Covid-19 ta mata of haci daño serio na hende”, e declaracion ta bisa. E compania no a responde na preguntanan di AP pakico a dura tres dia prome cu a elimina e contenido hopi critica, ni si barera di lenguahe a hunga un rol, ya cu Bolsonaro tabata papia Portugues.

E declaracion tabata entre esunnan mas straño cu e presidente, kende a contrae e virus aña pasa y ta keda sin vacuna, a haci tocante inmunisacion contra coronavirus te awo. El a pasa varios luna creando duda riba vacuna, specialmente esun produci pa compania Chines, Sinovac. Tambe el a adverti Brasileñonan cu no ta bay tin recurso legal contra Pfizer pa cualkier persona cu sufri efectonan secundario, y a haci chansa cu esey por inclui muhenan ta crece barba of hende ta transforma den crocodil.

Ayera durante un entrevista riba radio, Bolsonaro a rechasa critica cu el a enfrenta pa supuestamente plama fake news cu su declaracion tocante AIDS, y a bisa cu simplemente el a lesa un articulo di noticia publica october ultimo na Brazil. De hecho, medionan di comunicacion a publica un storia tiki relaciona y cu tabata trata solamente di e vacuna Ruso, Sputnik, cu no ta autorisa pa uso na Brazil, segun servicio di fact-checking, Aos Fatos.

Aña pasa, Facebook y Instagram a elimina post di e lider di ultra-derecha cu a viola guianan di comunidad pa Covid-19, incluyendo un video den cual el a alega cu e remedi anti-malaria, hydroxychloroquine tabata curando Covid-19 rond mundo. Test amplio a mustra cu e remedi no ta efectivo pa trata Covid-19. Algun luna despues, Facebook a elimina decenas di cuenta, algun usa pa empleadonan di Bolsonaro y dos di su yiunan legislador, pa participa den ‘comportamento inautentico coordina’.

Pero ayera a marca e prome biaha cu Facebook a elimina un di e transmisionnan en bibo semanal di Bolsonaro, cu ta sirbi como un canal directo di comunicacion cu su sostenedornan y usualmente ta conta cu miles di views.

Bolsonaro tin 14.6 miyon siguido riba Facebook y casi 19 miyon riba Instagram.

Plataformanan di rednan social, incluyendo e servicio di mensahe propiedad di Facebook, WhatsApp, tabata clave pa su victoria den eleccion na 1028. E ta bay postula pa reeleccion aki un aña. Recientemente, su aliadonan ta yamando pa sostenedornan join plataformanan rival, particularmente Telegram.

Alexandre de Moraes di Corte Supremo di Husticia ta supervisando un investigacion riba diseminacion di noticia falso cu ta enfoca riba aliadonan cercano di e presidente, dos di su yiunan homber y – for di augustus – Bolsonaro mes. Siman pasa, De Moraes a duna orden pa detencion preventivo di un ‘booster’ prominente di Bolsonaro y blogger, actualmente residiendo na Merca, y a dirigi polis federal pa pidi Interpol pa pone un alerta cora.

Accion di Facebook na Brazil ta yega memey di un diluvio di storia di 17 organisacion di medionan di comunicacion Mericano, incluyendo AP, basa riba documentonan interno di compania cu ta mustra, den hopi caso, cu Facebook a faya di actua rapida- y adecuadamente contra desinformacion. E revelacionnan a ser haci na e US Securities and Exchange Commission y duna na Congreso den forma redacta pa conseho legal di ex-empleado di Facebook converti den whistleblower, Frances Haugen. E versionnan redacta tabata obteni pa un consorcio di organisacion noticiero, incluyendo AP.

LEAVE A REPLY

Please enter your comment!
Please enter your name here