Falta di comunicacion a causa conmocion na kiosconan

Esaki sinembargo cu malcontento di parti di e negoshantenan di kiosco cu no a haya ningun aviso cu lo bay haci un cambio. Ora Bon Dia a presenta na e sitio tabata tin te hasta polis na e sitio, un grupo di negoshante tabata papiando cu polis riba e situacion cu tabata aparenta di pone restriccion riba nan pa loke ta trata luga di parkeer. Loke hopi di nan a expresa ta cu na ningun momento e departamento a informa nan cu lo bay kita e posibilidad pa parkeer banda di e kiosconan. Apart di mester paga huur cual pa un par di negoshante manera Trudy Lampe ta cay pisa ora benta no ta bay di manera optimal, e situacion di parkeer ta dificil.

Negoshante Virgil di su banda a expresa cu si ta bay kita e posibilidad pa parkeer na e espacio habri banda di e kiosconan, aunke sea mester por regel un manera pa e negoshantenan por parkeer. E situacion tabata tenso, nos a compronde for di sra. Lampe prome cu nos a presenta pasobra no tabata sigur kico tur e trahadonan di DOW lo bay haci na Welcome Plaza. Sra. Lampe mes a expresa cu no tin problema cu e trahadonan, pero si haci algo ‘aunke sea por comunica esaki’. Loke tabata parce un mal entendimento pa via di mal comunicacion di parti di instancianan, a resulta den un problema cu tabatin unda personanan tabata parkeer mucho cerca di e rails na cant’i caminda, cual tabata restringi e paso di e tram.

Asina polis tabata conta sra. Lampe, cu na varios ocasion polis mester a interveni pa move autonan cu tabata parkeer mucho cerca di e rails. Na yegada DOW a obliga un auto pa move pa asina rondona e parkeerplaats cu baricada. Nos a acerca director di DOW Marlon Croes pa comentario pero nos no a haya un reaccion. Mientrastanto manera nos a publica den pasado, e negoshantenan di kiosco hopi biaha ta haya benta abou y mester paga huur di e kiosconan nobo, cual no tabata necesario den ora e kiosconan tabata panort.

You May Also Like

Polis maritimo ta lastra boto bek na costa

Awe dialuna mainta 09:29 polis maritimo a ricibi yamada di centrale post avisando cu ...

Panama Papers

Panama Papers: Aruba atrobe riba lista sospechoso

Aruba ta menciona den un escandalo financiero internacional atrobe. E biaha aki den Panama ...

15-11-16accayorock (8).JPG

Buggy a bolter altura di Ayo Rock y persona a keda herida

Diamars merdia riba e caminda di santo pa Ayo Rock formation a sucede un ...

FADA ta lansa campaña AmigoDIDI pa Carnaval

Durante un conferencia di prensa cu a tuma luga na FADA, a presenta nan ...

Blackout a afecta sistema di riool

Den un conferencia di prensa, minister Otmar Oduber (POR) a informa tocante e black ...

Apelacion di OM declara inadmisibel den caso penal di Colombiano

Despues di 6 aña di un proceso huridico largo, corte di casacion na Hulanda ...