Diadomingo anochi pa 8:15 tres homber a atraca un famia den nan cas na Madiki Kavel. Dos di nan tabatin un arma di candela.
E doño di e cas a declara cu e tres a drenta su cas y a pidi pa placa. Nan a dal e homber den su cabes y mar’e. Su yiu homber di 9 aña tambe tabata na cas y e atracadonan tambe a mar’e. E atracadonan a reboltia e cas y bay cu cadena, cartera y telefonnan. Nan a huy den un auto color shinishi. Polis a topa na altura di Korvetstraat un auto cu ta cuadra cu e descripcion. Nan a confisca e vehiculo.
