Famia di hoben (20) morto na Tanki Leendert: ‘Mia no a comete suicidio’

mia no suicido.jpg

E famia directo di Mia Ortiz haya morto den cas diasabra, esta tata, mama y ruman, a manda un carta habri pa prensa unda ta bisa cu nan no ta kere cu Mia a comete suicidio, pero ta trata di un homicidio: “Nos tin confiansa riba e sistema hudicial y policial di Aruba. Por lo tanto, nos ta spera cu conhuntamente cu e medionan legal y forence, lo wordo aporta e pruebanan necesario caminda lo por demostra cu nos Mia stima a bira victima di un homicidio y no di un supuesto suicidio.”

Lesa a carta completo aki bou:

 

Carta habri di famia Bescosme Ortiz

“Mia no a comete suicidio”

E famianan di Mia Bescosme Ortiz, su mama Delia Josefina Ortiz, su tata Jorge Bescosme y su ruman muhe Ella, pa medio di e carta habri aki, nos kier expresa lo siguiente:

1. Nos ta sigur y nos lo busca e pruebanan necesario cu lo demostra cu nos Mia stima no a comete suicidio.

2. Nos tin confiansa riba e sistema hudicial y policial di Aruba. Por lo tanto, nos ta spera cu conhuntamente cu e medionan legal y forence, lo wordo aporta e pruebanan necesario caminda lo por demostra cu nos Mia stima a bira victima di un homicidio y no di un supuesto suicidio.

3. Igualmente nos ta spera cu tanto e autor fisico como e autor intelectual di e crimen barbaro aki lo wordo poni dilanti di husticia.

4. Pa medio di e carta habri aki nos ta haci un solicitud na tur institucion publico y priva, tambe esunnan local y internacional, cu lo desea uni na nos famia pa e echo criminal aki lo wordo aclaria pa pone tras di prizon e autornan. Ya cu e bida di nos Mia stima nos no lo por recupera mas, pero nos lo kier haya consuelo y paz cu merecidamente ta representa e echo di aclaria e inocencia di nos Mia den un acto tan cobarde y vil asina.

Nos Mia stima tabata un mucha muhe feliz, e tabata gusta hari, e tabata masha disciplina ya cu e tabata un deportista di Karate cu e meta cla di sigui cu su studionan. P’esey nos ta consciente y sigur cu e mes no por a comete tal estupidez.

Nos ta conta cu e apoyo di tur hende ya sea tata, mama, hende homber y hende muhe y institucionnan cu lo desea uni den busca di transparencia y husticia di e tragedia teribel aki cu awendia ta afecta nos famia. Nos ta confia riba nos bon Dios.

Delia, Jorge y Ella

          

You May Also Like

image.jpeg

Tin ambtenaar no activo mas cu 10 aña, Cobrando salario, vakantiegeld y bashi premie

ta cobra tur luna, ricibi vakantie geld, bashi premie etc.  Desde cu nos a ...

Compania aereo Dominicano lo cuminsa bula entre Aruba y Riohacha otro luna

Ya caba tur permiso ta cla caba cerca nos autoridad  local di departamento di ...

despa building.png

Siman aki lo tin contesta riba causa contaminacion awa na hotel

Ainda un ke otro informacion ta wordo colecta pa por bisa cu a termina ...

afiliacion fondo di turismo new.JPG

Hopi compania di sector turismo no ta afilia na fondo di pensioen di PFTSA

Segun directora di Fondo di Pensioen di Sector Turismo di Aruba (PFTSA), sra. Sanaa ...

1911a0e8-f446-4a32-88b3-71aa48e3313d.jpg

Gilbert van Veen: “Nan a benta tur mi pertenencianan afo y a mata mi cachonan inhustamente”

Darin Crouch abogado di Gilbert van Veen a yama un conferencia di prensa pasobra ...