(TMZ) – Kylie Jenner por ta un tiki mas trankil despues di sa cu un orden di alehamento tin biaha ta traha, pasobra un fanatico obsesiona cu a viola esaki a keda aresta.
Fuentenan di polis a bisa TMZ cu diadomingo atardi, un homber yama Jrue Mesgan a acerca cas di Kylie na Holmby Hills – un parti super exclusivo di Beverly Hills – y a bay na e heki pa pidi entrada. Un guardia di seguridad a mir’e y a yama polis. El a keda aresta pa violacion di un orden di corte y ta deteni cu fiansa di 20mil dollar.
A resulta cu Mesgan tin un pasado cu Kylie, y no uno bon. Mesgan a bay na e cas varios biaha durante ultimo lunanan purbando di mira Kylie, y p’esey Kylie a busca un orden di alehamento, cual Mesgan a viola diadomingo, cu resultado cu el a keda aresta.
Kylie tin yen problema cu fanaticonan obsesiona. Anteriormente e luna aki, un homber di 23 aña di edad arma cu flor a bin cas di Kylie pa declara su amor p’e y pidie pa casa cune. E fanatico a yega cas di Kylie, bula e heki y toca su porta di cas. A resulta cu e tabatin e caso robes, e tabata na cas di un bisiña di Kylie. El a keda aresta pa drenta propiedad priva sin permiso.
E problema di ordennan di alehamento ta cu nan ta efectivo contra hende cu ta den un estado mental unda nan por compronde cu ta bay aresta nan si nan viola esaki. Pero hende cu ta instabiel, hopi biaha ta mira esaki como pida papel sin balor.
