(TMZ) – Aparentemente e actor Tom Cruise ta interesa den Shakira pa loke por ta un romance nobo, sinembargo fanaticonan di e cantante su reaccion ta lo contrario di loke lo por a spera.
Page Six a publica riba diamars cu fuentenan cercano ta bisando cu Tom Cruise ta “extremadamente interesa den Shakira” despues cu nan a topa na diadomingo na Formula 1 su Grand Prix cu a tuma luga na Miami, unda a fotografia ambos ta combersa cu otro.
Segun e noticiero, tin un kimica entre nan, cual ta duna e impresion cu nan a disfruta di otro su compania, suficientemente pa Cruise manda Shakira flor despues di diadomingo, cual segun reportahe el a haci.
Claramente, ambos di nan ta soltero actualmente, specialmente Shakira ken manera hopi ya ta altanto, recientemente a separa di su ex pareha y futbolero profesional Gerard Pique, ken a comete infidelidad den su relacion cu Shakira cu un muhe mas hoben cu ambos y ta su actual pareha.
En general, ambos ta mustra cu nan lo ta un pareha perfecto, Shakira tin 46 aña y Tom Cruise 60 y ambos ta na un nivel mas halto di fama. Sinembargo, usuarionan y fanaticonan di Shakira riba Twitter no ta gusta e posiblidad di ambos siendo pareha. Usuarionan ta expresa cu nan ta spera e no involucra su mes cu Tom Cruise den e ambito romantico.
Un usuario a publica “Shakira! Tende di mi! E ta purbando di recluta bo pa drenta Scientologia! No sali cune!” mientras otronan ta publica “Aleha di Shakira!”. E motibo dicon nan no kier pa Shakira relacioan cu Tom Cruise aparentemente tin di haber cu su relacionnan den pasado ademas di su conexion cu Scientologia. Nan ta sinti cu e dos hechonan aki no a caba bon, specialmente mirando cu e involucra cu muhenan di perfil halto.
Cruise su ex pareha Nicole Kidman su reaccion iconico ora cu su divorcio a finalisa den aña 2001 ta bini na mente pa motibo cu e tabata sumamente contento pafo di e oficina di abogado.
