“Faya-bo-haya” alarga te 24 di september 2017

Ministerio Publico

Ministerio Publico y Cuerpo Policial di Aruba ta informa cu e maneho di faya-bo-haya durante periodo di eleccion lo  keda alarga te cu diadomingo 24 di september 2017. Algun siman pasa Ministerio Publico y polis a informa cu e maneho aki lo wordo hiba te cu dia di eleccion 22 di september 2017. Awor e termino aki a wordo alarga cu dos dia.

Polis a actua cu pasenshi, flexibilidad y tolerancia durante henter e periodo di eleccion. E meta tabata y tá pa logra un balanza entre mantene seguridad y orden publico riba caya na esun banda, y acompaña y guia reunionnan, paradanan y otro actividadnan politico na e otro banda. Logicamente cu violacionnan di ley lo no wordo tolera. Polis lo actua contra personanan cu comete infraccionnan (manera violencia, destruccion, insulto y buracheria den publico) ý MinisterioPublico lo actua via e maneho ‘faya-bo-haya.’ Di e manera aki Ministerio Publico ta sostene CuerpoPolicial Aruba.

‘Faya bo haya’
E maneho faya-bo-haya ta encera cu Ministerio Publico ta ofrece, ya caba na warda di polis, un transaccion na personanan cu a wordo deteni relaciona cu delitonan relativamente leve of infraccionnan. Si e persona dicidi pa paga mesora, anto e caso ta keda cla. Si no, anto e persona lo haya un citacion pa presenta dilanti huez. Ta importante pa tene cuenta cu e exigencia durante e tratamento dilanti huez normalmente ta sali mucho mas halto cu e transaccion cu hende ta wordo ofreci na warda di polis. Pa e motibo aki, Ministerio Publico ta conseha pa tuma e transaccion cu haya na warda di polis y paga esaki mesora.

Ministerio Publico y Cuerpo Policial Aruba ta di nobo haci un apelacion urgente na publico pa paga tino cu alcohol, particularmente den trafico. Uso excesivo di alcohol ta trece riesgonan hopi grandi cu ne.

 

You May Also Like

bermudez elaboracion presupuesto.jpg

Pais Aruba ta pagando anualmente un suma alrededor di 210 pa 215 miyon florin na interes

Aunke minister di Finansa, sr. Angel Bermudez no a bay mucho den detaye riba ...

Awa cas (NW) (2).JPG

Cas bou awa na Paradera

Dialuna pa diamars marduga rond Aruba tabata tin yobidanan fuerte. Un habitante na Bloemond ...

elmar.jpg

Clientenan lo nota cambio chikito riba e recibo di ELMAR N.V.

Relaciona cu e welga recientemente di e trahadonan di WEB Aruba N.V., a pone ...

klapchi

Containernan di klapchi a wordo entrega na tur bendedo

Desde ayera mainta e temporada di klapchi a inicia. E trucknan a sali for ...

5oct ANSA.jpg

Ta sostene acuerdo encuanto uzo di idioma pa loke ta servicio di trafico aereo

Gerencia di ANSA N.V. a tuma nota cu diadomingo 4 october 2015 Minister encarga ...

Consumo di tabaco su impacto mortal ta costa 1 biyon dollar anual na economia mundial

Paisnan cu ta miembro di OPS/OMS (Organisacion Pan Americano y Organisacion mundial di Salud) ...