Presidente Juan Manuel Santos no ta apoya intervencion militar na Venezuela

Juan Manuel Santos, Presidente di Colombia

E presidente Colombiano, Juan Manuel Santos,a bisa su colega Mericano Donald Trump cu America Latino no lo  apoya ningun tipo di intervencion militar na Venezuela.

“Nos a reitera na presidente Trump, mi a reitera y e demas paisnan tambe, cu cualkier intervencion militar no lo tin ningun tipo di apoyo di America Latino”, Santos a bisa un grupo di periodista Colombiano despues di reuni cu e mandatario Mericano.

Den e encuentro ey tambe a participa e presidente Brasileño, Michel Temer; di Panama, Juan Carlos Varela, y e  vice-presidente Argentino, Gabriela Michetti.

Prome cu e reunion, Trump a urgi pa yega na restauracion pleno di democracia y di libertadnan politico na Venezuela y a sigura cu e situacion ta insostenibel, completamente inaceptabel, y a recorda e sancionnan cu Merca a impone bao di su mandato contra gobierno di presidente Nicolás Maduro.

Di su banda, Santos a bisa cu e reunion tabata “hopi cordial, unda cada un di e participantenan a expresa nan opinion encuanto Venezuela.”

“Nos ta hopi preocupa pa loke ta sucediendo, nos maximo interes ta defende pueblo Venezolano, cu su derechonan keda respeta, cu ta restaura democracia y cu nos discuti e forma y necesidad di coordina entre nos pa trata di produci un transicion cu ta pacifico, cu por mantene e stabilidad y cu ta democratico, Santos a declara.

Den e sentido aki, e gobernante a insisti cu ta necesario traha den recupera democracia pa e Venezolanonan, loke ta clave pa Colombia pasobra esaki ta e pais “mas interesa cu cos ta bay bon pa Venezuela.

E mandatario a aclara cu no a tuma medida exacto den e reunion, sino cu a acorda traha den ekipo y scucha otro mutuamente y opinando entre tur.”

Atrobe, el a reitera e necesidad pa Venezuela libera e presonan politico y tene eleccion limpi sin lastro di fraude.

 

You May Also Like

Colombia yegando na 50 miyon habitante na 2018

Colombia ta cerca di yega na e cifra di 50 miyon habitante, segun e ...

Jair Bolsonaro: “esaki ta e comienso di liberacion di Brasil di socialismo”

Jair Bolsonaro a asumi poder na Brasil, su proclamacion como presidente di e nacion ...

7pdvsa (LM).jpg

Corupcion den Citgo y PDVSA: un documento ta compromete Delcy Rodríguez y Tarek William

(lapatilla.com) – Recientemente fiscalia di Venezuela a aresta seis persona di e dirigencia di ...

Puerto Rico: Trump ta exagera ayudo duna na e isla

Gobernador Ricardo Rosselloa afirma diahuebs pasa cu Cas Blanco a divulga informacion “incorecto” tocante ...

Cuba: Sclavitud y trafico di hende tras di fraude grandi di medico Cubano

Durante decadanan, e ilusion desde La Habana a laga kere cu profesionalismo di mediconan ...

Fiscal general di Brasil a pidi investiga 9 minister di gobierno di Temer

Fiscal general di Brasil, Rodrigo Janot a pidi na corte supremo pa investiga nuebe ...