Durante henter un siman di e Festival di Buki pa Mucha 2019 tabata bisto e produccion rico di literatura y bukinan infantil den diferente idioma, y tambe e creatividad di e ilustradonan pa haci e obranan atractivo pa nan.

Directora di Biblioteca Nacional Aruba (BNA), Astrid Britten, a declara na Bon Dia Aruba cu no solamente tabatin autornan local, pero tambe di Corsou, Bonaire. Pero tambe di Colombia pa e parti Spaño. Naturalmente tabatin autornan Hulandes presente den e festival aki, cu ta clausura awe.

“Nos ta consciente di introduccion di scol multilingual y nos a tene cuenta cune tambe.” Igualmente el a añadi cu poco poco nan ta innova tambe, y bayendo kisas otro aña cu digital story teller, caminda nan por conta historia di un manera interactivo tambe.

Un escenario ideal tabata e mercado di buki cu participacion di varios libreria na Cas di Cultura, entre nan De Wit & Van Dorp Store, Plaza Booshop y Biblionet. E librerianan aki hunto cu e diferente autor presente, entre nan Noris van Lis-Donata cu su buki ‘Mi Gran Amigo,’ skirbi na Papiamento/Hulandes, y Denise de Jongh-Rekwest cu su obra ‘Bin, bin, sigui mi Submarin’ cu e mes a entrega na e mandatario di Enseñansa, Rudy Lampe, a contribui cu e exito di e festival aki.

 

 

LEAVE A REPLY

Please enter your comment!
Please enter your name here