Dos piscado di Nort Korea ta sospechoso di mata 16 miembro di tripulacion prome cu a bay huy pa sur. Nan a crusa e frontera maritimo, pero nan a wordo deteni pa autoridad.

Sur Korea normalmente ta duna asilo na hende cu ta huy di e Nort, pero den e caso aki, e dos homber ta un menasa pa siguridad nacional. Nan lo wordo trata como criminal y manda bek pa Nort Korea. Despues di crusa frontera riba un boto piscado, a dura dos dia pa marina di Sur Korea detene nan.

Segun agencia di noticia Yonhap, cu dos homber a confesa cu nan hunto cu un otro homber a mata e capitan pa motibo di su comportacion contra nan. Despues nan a mata tur otro miembro di tripulacion cu tabata protestando, un pa un. A tira e curpanan riba lama.

Tur tres sospechoso a wordo manda Nort, pero un di nan a wordo captura pa Polis local na e haf, e otronan a dicidi pa bay Sur. Ministerio di Unificacion na Seoul a bisa cu nan no por confia e intencion di deserta, y nan a dicidi di no laga e criminalnan keda.

E dos hende homber den nan 20 aña di edad a wordo manda pa e frontera di Panmunjom na Nort Korea. Esaki ta e bira e prome deportacion di Sur Korea pa Panmunjom. No tin acuerdo di extradicion entre e Nort y e Sur.

 

Desertornan na e peninsula di Korea ta normalmente residente di Nort cu ta purba huy di dictadura pa un Sur democratico y cu mas placa. Desertornan ta interoga pa Sur Korea pa autoridad inteligente y ta pasa tempo cu gobierno den un facilidad pa educacion, prome cu wordo poni den sociedad.

 

LEAVE A REPLY

Please enter your comment!
Please enter your name here