Festival Un Canto pa Aruba su Himno y Bandera ta cuminsa diabierna awor

Festival Un canto pa Aruba su Himno y Bandera ta bay cuminsa diabierna 10 y diasabra 11 di maart cu categoria infantil y hubenil, dia 12 di maart ta bay caba cu categoria di adulto.

Esaki ta bay ta e di 26 edicion di e festival e cual ta bay tuma luga na Plasa Betico Croes for di 6or di atardi na unda lo tin 13 agrupacion y 23 cantante, e categoria di adulto ta esun di mas hopi gusta pa comunidad.

E Secuencia di e bandanan pa diabierna 10 di maart ta lo siguiente:

Beyond;

Grupo di Amigo;

Grupo Rejoice;

Sabor Crioyo;

Melodia;

Curason pa Aruba;

Alma Folklorico;

Shine Music.

E dia aki lo tin e agrupacionnan menciona hunto cu 16 participante den e categoria Infantil cu diferente ritmo como Wals, Danza, Tumba, Polka, Calypso y Mazurka na unda areglistanan y compositornan ta destaca.

Pa diasabra 11 di maart e agrupacionnan ta presenta di e siguiente manera:

Melodia;

Grupo di Amigo;

Alma Folklorico;

Rincon Boyz;

Aiwalos;

Grupo Rejoice;

Tipico Colegio Arubano;

Carlito y su gang;

Shine Music;

Beyond;

Sabor Crioyo.

E dia aki ta bay tin e presentacion di 21 participante den e categoria Hubenil entre 10 pa 12 aña.