Comunidad di Filipinas lo tin nan celebracion di dia di independencia. Esaki lo ta e di 121 aña, y lo tin celebracion diaranson dia 12 di juni for di 10or di mainta te cu 2or di merdia.

Stanley Dabian, relacionista publico di departamento di cultura, hunto cu Ami Henriquez-Mendez, consul general di Filipinas na Aruba, ta anuncia e celebracion historico ta importante pa e pais, unda ta reconoce cu ta un comunidad cu a bin Aruba y haci esaki nan di dos cas, contribuyendo den diferente sector riba e isla.

Henriquez-Mendez a anuncia cu lo celebra diaranson, dia 12 di juni na Wilhelmina Park unda nan no lo tin acto protocolario. “E dia ey nos ta haya bishita di autoridad di Hulanda, esaki ta e ministro consul general di Filipinas na Hulanda, cu lo celebra e dia cu nos. Tambe nos lo tin e consul servicio Filipino na Aruba pa cambia paspoort, registra di partida di nacemento, casamento y mucho mas”, Henriquez- Mendez a bisa.

Segun el a splica cu e grupo di servicio lo cuminsa biaha prome na Sint Maarten, despues Corsou, y final aki na Aruba. Nan ta orguyoso pa nan ta atrobe cu nan, pa celebra independencia mescos cu aña pasa.

Romeo Kilayko, oficial relacionista publico di consulado, a splica tocante tema di ‘courage of the nation, compassion for the people’, esta curashi di un nacion y compasion pa comunidad. Nan kier encurasha compasion, cu pa nan ta importante y poderoso pa continua e legado di nan antepasado pa nan mes.

Pa custumber di tur aña, despues di acto nan lo presenta reina nobo, cu lo representa nan comunidad pa Aruba den tur nan funcion. Calista Sofia Manlapaz- reina infantil, Charelene Mae Garcia Sales- reina hubenil, y Deyna Loren Torres- reina Filipina.

Tambe lo tin nan actividad y baile tradicional. Diaranson anochi lo tin recepcion unda cu ta invita comunidad di Aruba pa atende pa e programa musica, bailamento y cuminda na Don Bosco, for di 7or te cu 11or di anochi.

 

 

LEAVE A REPLY

Please enter your comment!
Please enter your name here