A firma acuerdo cu Niagara College di Canada

E siman aki gobierno di Aruba a yega na un acuerdo cu Niagara College, caminda awo studiantenan di Aruba lo por scoge pa sigui nan estudio. A ricibi e siguiente relato di gobierno relaciona cu a firmamento di e acuerdo.

E siman aki Minister di Enseñansa, Michelle Hooyboer-Winklaar a anuncia cu su Ministerio a logra un otro acuerdo cu un scol di estudio superior, esta Niagara College. “Nos tin un anuncio hopi importante pa un otro acuerdo riba enseñansa superior. Loke cu nos ta yamando awor e di ocho acuerdo similar cu ta duna nos studiantenan diferente beneficionan, entre otro, e parti financiero pero tambe otro oportunidadnan cu nos ta brinda nos studiantenan. Den e caso aki specificamente pa studia na Canada,” asina e mandatario a cuminsa su relato.

El a sigui bisando cu hopi orguyo e ta para na e momento unda lo firma un acuerdo cu Niagara College di Canada cu ta duna acceso na studiantenan. “Tur esaki a base di nos meta pa habri mas oportunidad posibel pa nos studiantenan a pesar di unda nan lo kier studia y den cualkier ramo cu nan kier studia. Asina aki nos ta kita kisas obstaculonan cu den pasado tabata existi. Entre otro, riba parti financiero pero tambe simplemente informacion hopi biaha cu tabata falta pa studiantenan tuma decision a base di kico nan kier studia y na unda nan kier studia”, di acuerdo cu e mandatario.

“Nos ta gradici Embahada di Canada na Caracas, Venezuela cu a haci esaki posibel como tambe e diferente deliberacionnan cu instancianan y cu otro scolnan cu a yuda nos yega na nos acuerdonan. Nos ta hopi entusiasma pa por brinda e oportunidad aki na studiantenan cu ta interesa den e opcion aki”, Minister Hooyboer-Winklaar a remarca.

Minister Michelle Hooyboer-Winklaar a gradici e Embahada Canades y representante di Niagara College pa nan rol na yega na e acuerdo importante aki na beneficio di studiantenan di Aruba.

 

 

You May Also Like

ARESTO DIADUMINGO MAY 1 2016 2.JPG

Cuerpo Policial a haya menasa: ”Lo bay tira riba polis”

Dialuna atardi autoridad a bay mes ora den un alerta, esaki tabata momento cu ...

DNM: ‘Awo mester tene cuenta pa tin un maneho responsabel’

Durante conferencia di prensa di Directie Natuur en Milieu (DNM) a anuncia e decreto ...

Hulanda: prome minister Eman no por duna paspoort como regalo

Minister di Asuntonan di Reino di Hulanda a contesta riba preguntanan di parlamentario Andre ...

A purba maluza Aruba por medio di refineria

Pa por scapa di sanacionnan internacional riba Siria, a purba di maluza Aruba manera ...

A3 18nov aruparking existencia.jpg

Area di hotel grandi lo conoce parkeer meter te otro aña

ORANJESTAD – Te otro aña parkeer meter ta cuminsa funciona den e area hotelero. Minister ...

11mei, NP, Salazar (1).jpeg

Dokter Salazar, Departamento di Salud Publico Casonan di virus H1N1 ta bahando

Aworaki e situacion di Influenza H1N1 ta den e etapa cu e ta bahando. ...