(AFP) – Un fiscal Sueco riba dialuna a haci yamado pa un sentencia den prison di 10 aña contra un homber den huicio pa supuestamente explota su casa como prostituta su casa na alrededor di 120 cliente.
Proceso den corte contra e acusado di 62 aña, den e pueblo di Harnosand, tabata ehecuta den gran parti tras porta cera.
E ta acusa di a crea avisonan online, areglando encuentronan paga entre e hombernan cu a contesta y su casa, y a push’e pa haci actonan sexual online pa atrae mas cliente.
Aunke bende sexo no ta algo ilegal na Suecia, cumpra sexo si y facilita of genera entrada di prostitucion tambe ta algo ilegal.
E homber ta acusa di opera como chulo y 8 violacion pa actonan cometi entre augustus 2022 y october 2025.
Su casa, ken tabata describi pa fiscalnan como un victima “den un situacion vulnerable,” ta exigiendo e ekivalente di 120.000 dollar den daño si e homber keda declara culpable.
“El a trat’e manera un carchi di banco y bend’e como un obheto,” e muhe su abogado, Silvia Ingolsdottir, a conta noticiero estatal SVT.
E homber su abogado di defensa principal Martina Michaelsdotter, a bisa AFP na e comienso di e huicio cu su cliente a rechasa e cargonan.
E huicio ta anticipa di caba mas adelante awe cu argumentonan di defensa.
