Aki 3 siman lo haya sa e sentencia den caso di Yellow. Diabierna mainta corte a cuminsa trata e caso di e asesinato di un bouncer na December 2015 na club Olde Molen. Fiscal a exigi 18 aña contra e sospechoso y 2 aña contra e sospechoso V.d.B. E sospechoso Milanchelo Nelson Antonio Trenidad , miho conoci como ”Yellow” ta wordo acusa di a intencionalmente tuma bida di un persona riba 7 di december 2015 dor di intencionalmente tir’e un of mas biaha cu arma di candela. E ta wordo acusa di tabatin e intencion di tuma bida di un otro persona tambe riba e mes fecha dor di a tir’e un of mas biaha cu revolver den garganta.
E otro persona V.d.B. ta wordo acusa di a intencionalmente tuma bida di un of dos persona riba 7 di december 2015, dor di yuda Yellow cu revolver y posiblemente bala tambe. V.d.B. ta wordo acusa di posesion di un revolver of pistool of bala riba 7 di december 2015. A pidi 2 aña pa V. d. B.
