nota 2 colombia.png

E huicio contra Rafael Uribe Noguera pa motibo di abuso y  homicidio di Yuliana Andrea Samboni a keda den man di e huzgado penal 39 di conocimento. Fiscalia a anuncia cu nan ta bay solicita condena maximo contra e arkitecto Uribe Noguera.

 

Fiscalia a retira e delito di tortura den e acusacion cu tin riba Uribe Noguera, pasobra e conducta di tortura ta hinca den e lesionnan di e delito acceso carnal violento, cu nan a haya riba curpa di Yuliana Andrea, asina Luis Gonzalez, Director Nacional de Fiscalia di Colombia a bisa. El a informa tambe tocante di e condena maximo, pasobra el a bisa cu igualmente nan ta pidi un sentencia di 60 aña di prizon pa Uribe Noguera.

 

E delitonan ta “delito di feminicidio agrava, acceso carnal violento, secuestro simple agrava”. Fiscalia a dicidi pa impone tur e delitonan aki, pa motibo di cu nan a traha un studio serio unda na a recoge hopi elemento material y prueba cu ta involucra Uribe Noguera, Gonzalez a bisa.

 

Gonzalez a agrega cu e prueba di e entidad Medicina Legal a duna conclusion hopi relevante ora cu nan tabata analisa e caso contra e arkitecto, cu a confesa su crimen caba. “Den estudio di e delitonan aki, Fiscalia a dicidi pa solicita na hues di Colombia pena maximo di 60 aña den prizon”.

 

LEAVE A REPLY

Please enter your comment!
Please enter your name here