Brasil ta duna homenahe na Colombiano relaciona cu tragedia Chapecoense

nota 3 brasil.jpg

Presidente di Brasil, Michel Temer, a rendi homenahe na tur autoridad y ciudadano di Colombia cu a duna atencion y apoyo na victimanan di e tragico accidente aereo, unda 71 persona a muri, entre nan gran parti di e seleccion di ekipo di futbol Chapecoense.

 

Temer a impone orden di merito pa tur autoridad y ciudadano, entre nan e ministro di defensa di Colombia, Luis Carlos Villeas y director di polis Jorge Hernando Nieto, hunto cu otro representante di ciudad di Medellin, lugar unda e tragedia a sucede.

 

Durante e acto gobierno di Brasil a duna un special reconocimento na Johan Alexis Ramirez di 10 aña, ken a yuda e dia di e tragedia aki. Johan a guia tur lifeguard pa yega na lugar unda e accidente a sucede, y cu a laga 71 hende morto y 6 sobreviviente.

 

Temer a otorga tambe e orden di Rio Branco na ciudad di Medellin, pa motibo di e solidaridad cu nan a mustra pa ciudadano di Brasil, pa ekipo di Chapecoense y famia di hende cu a muri den e tragedia aki. E orden di Rio Branco ta e maximo condecoracion cu e estado di Brasil ta duna.

 

Colombia a laga e ultimo sobreviviente di e accidente aereo bay cas

Ultimo sobreviviente cu tabata den hospital, desde cu e accidente a sucede, a bay cas diabierna ultimo. Ximena Suarez, ken tabata auxiliar di vuelo di e aeronave di LaMia y cu a cay 28 di november na Medellin, a bay cas diabierna y ta planifica pa por biaha awe pa Bolivia.

 

El a recupera bon di tur herida cu el a sufri pa motibo di e accidente aki, su salud ta estable y no tin ningun problema, Ana Maria Gonzalez, director di clinica Sommer a bisa.

 

Suarez a haya un fractura na su man drechi, un lesion riba su enkel drechi y hopi herida na su curpa.“Tur cos ta bon, awo Ximena mester descansa ora cu el a yega na su pais” Gonzalez a informa.

 

You May Also Like

Conflicto di Siria: Bombardeo di Damasco tras di persecucion di auto

Un ‘suicide bomber’ a lansa un atake den e capital di Siria, informenan ta ...

volkswagen.jpg

Volkswagen: recall 8.5 miyon total na Europa

Despues e noticia awe mainta cu Alemania ta obliga Volkswagen pa retracta 2.4 vehiculo, ...

Homber cu faha di explosivo bisti a wordo tira na Brussels

Militar patruyando un stacion di trein grandi na Brussels a neutralisa un persona despues ...

OM a descubri un organisacion di traficacion heroina

AMSTERDAM – Recientemente den e investigacion di e asesinato di Bouchikhi (17) na januari ...

Tronco di mata a cay y kita bida di 12 persona

Un mata a cay y kita bida di 12 persona, y heridando 50 mas ...

335F557000000578-0-image-a-48_1461175131443.jpg

Mucha homber a electrocuta su mes durante un experimento di YouTube

Un mucha homber di 15 aña residente di Ohio a electrocuta su mes aparentemente ...