Fitch ta pone Aruba na ‘BBB-‘ cu outlook negativo

ORANJESTAD – Diahuebs pasa FitchRatings, un di e agencianan grandi di evaluacion di pais y empresa mundial, a pone Aruba na valoracion di ‘BBB’ cu ‘outlook negativo.

Segun Fitch, Aruba su rating ta refleha su entrada per capita cu ta mas halto cu di su ‘peers’ (pais comparable), stabilidad politico y macro-economico pa hopi tempo y e forsa institucional di Aruba como parti di Reino Hulandes. Esaki ta balansa di otro banda pa un carga mas halto di debe, crecemento mas abao y un economia cu base mas smal, y su vulnerabilidad mas grandi pa shock externo cu mayoria di su ‘peers’.

Prestacion fiscal a mehora. Un surplus fiscal primario a keda registra na 2018 y e deficit di gobierno en general (GG) a disminui te na 2,1% di GDP calcula, compara cu 3% na 2017. E coalicion lidera pa MEP cu a drenta gobierno na september (november; red.) 2017 a aumenta e tarifa di BBO na juli 2018 como un entrada di emergencia, a aumenta cumplimento cu impuesto, y a cuminsa un programa di retiro boluntario pa empleado publico. Adicionalmente gobierno a renoba su protocol cu gobierno di Hulanda, incluyendo e mandato di e conseho supervisor fiscal CAft. (Aruba ta parti di Reino Hulandes, cu status aparte.).

Presupuesto 2019 ta contene un agenda di reforma ambicioso diseña pa fortifica credibilidad di politica fiscal. Esaki ta inclui e base di impuesto indirecto reemplazando e impuesto riba benta BBO pa un VAT (value added tax; BTW) o institui un impuesto di importacion riba bienes na lugar di e ‘point of sale’ (asistencia tecnico di IMF a cuminsa caba) y maneho mehora di e gastonan di personal di sector publico (fase inicial). E strategia ta orienta riba reduccion di e payroll publico nominal, loke ta politicamente dificil, segun Fitch.

Sin embargo, autoridadnan ta enfrenta desafio den implementacion di e meta fiscal pa 2019, un deficit di gobierno general di 0,5% di GDP. Fitch ta anticipa cu e deficit di gobierno general lo disminui mas gradualmente durante 2019-2020 cu proyecta den e metanan den e protocol. E incertidumbre di e esfuersonan di politica pa pone Aruba su debe publico sosteniblemente riba un trayectoria di descenso ta e factor mas importante pa e continuacion di e Outlook Negativo.

Deficitnan recurente desde 2009 a debilita gobierno su balance sheet, a mas cu duplica debe di gobierno general compara cu GDP( consolida pa e reservanan di fondo di pension publico APFA) na 61% na 2018, bastante riba e averahe di e actual ‘BBB’ di 37.5%. Aunke Aruba su profiel di amortisacion ta manehable y apoya pa un base local institucional di inversionista likido, e ratio di interes/revenue, na 16,6% na 2018, tambe ta mas halto cu e averahe actual pa ‘BBB’ di 7,1%.

Cuentanan nacional a ser revisa pa refleha datonan mas detaya di negoshi, hogar y impuesto cu anteriormente capta cu calculacionnan anterior di Banco Central. E serie nobo di GDP ta mustra un crecemento mas halto cu averahe di 2,8% pa aña pa 2013-2017 (versus 1% anteriormente) y a revisa e volumen di GDP nominal pa 2017 cu 8,6%. Sin embargo, economia ta keda dependiente di turismo desde e ciere di refineria na 2012, aumentando e vulnerabilidad pa shock externo. Aruba su crecemento di GDP real bao di e serie revisa, 2,5%, ta keda atras compara cu e averahe actual di ‘BBB’ di 3,6%.

Te aki e informe di FitchRatings; e informe completo ta disponible riba website di FitchRatings: www.fitchratings.com

 

You May Also Like

19mrt, JM, Mediador di Gobierno.JPG

Grupo di trahado Aura casino pendiente di nan caso

Pa prome biaha den 2017 nos lo por haya cu un sentencia riba e ...

Swiers: ‘Mi tin un conexion fuerte y inexplicabel cu Aruba’

“Aunke mi ta orguyoso di mi nacionalidad Hulandes, mi ta sinti mi mes mesun ...

SVb ta den un aña di ‘high season’ den registracion di aseguradonan y empresanan

Un fondo administra pa  Banco di Seguro Social (SVb) cu semper tabatin su reto ...

Santa Rosa y Aruba Reef Care yudando cu investigacion marino

Recientemente a inicia un estudio cientifico cu ta tumando luga den nos awanan rond ...

dengue.png

2015: 486 caso positivo di Chikungunya, 212 pa Dengue

Cifranan actual di Dengue y Chikungunya duna pa Despa ta lo siguiente: Pa 2016 te ...

parke marino

Ainda no a bin cu cambio riba ley pa parke marino

Vice presidente y secretario di Aruba Marine Park, sr. Castro Perez a declara na ...