For di unda a bini cu e nomber ‘Comunidad LGBT’?

1Jul,JO,LGBT2.jpg

Presidente di ALFA, Sr. Maikely Kelly ta splica cu e nomber LGBT (Lesbian,Gay, Bisexual & Transgender) a wordo poni door di un comunidad heterosexual pa identifica un cierto persona, sinembargo den concepto di Derechonan Humano, tur hende ta igual.

”Mescos nos ta bisa Latino, hende color scur, hende color blanco, bo ta bisa esaki pa identifica un persona. Claro nos ta uza e palabra Homosexualidad ora ta papia di un cierto grupo, e grupo no por bisa cu e ta djis un persona pasobra e tin algo den bo orientacion sexual y ta pa e motibonan aki e nombernan aki ta wordo uza ora ta papia den cierto contexto”, Sr. Kelly ta bisa.

Claro segun Sr. Kelly, hende ta maluza e nomber pa discrimina un otro persona pues ta depende den e contexto cu bo ta uza esaki. Sinembargo, algun dia despues di e tragedia na Orlando, tabata tin diferente comentario riba rednan social cu pakico mester clasifica hendenan Homosexual como si fuera nan no ta parti di humanidad.
”Por ehempel, ‘Menselijk’ , nos tur ta igual. Akinan na Aruba vooral ta discrimina masha hopi mes y mi ta haya cu no ta necesario pa yama nan ”Comunidad LGBT” mientras tur hende ta mescos y asina ki bo ta segrega hende”. Esaki ta comentarionan di un persona cu a papia cu Bon Dia tocante esaki y ta preferi di keda anonimo. E persona aki ta agrega cu e ta full contra di esaki pasobra como ser humano no tin necesidad di husga y discrimina otro anto pone otro den un cierto grupo of circulo separa.

”Esaki semper ta bay depende den ki contexto bo ta uz’e, bo por uz’e den contexto bon pa splica di ki persona bo ta papia ,pero si e wordo maluza manera nan a skirbi riba nos muraya ‘Anti LGBT’ dus e ora ey e ta wordo uza den un contexto malo. Nos ta uza e palabra aki pa refleha y mustra un ‘comunidad’ cu ta wordo oprimi te hasta na Aruba”, Sr. Kelly ta splica Bon Dia. Sr. Kelly ta splica cu si bo hasta mira den e leynan na Aruba, dus pa SVB , Dimas y tur otro instancia bao ley, no ta wak e ”comunidad homosexual” no como un ”verwaardige persoon”, e ta wak e como un ciudadano di tercera clase. Na Aruba e ta asina: ta trata cu hende homber, hende muhe,despues ta bin e homosexualnan, anto claro bo ta uza e palabra pa describi esaki anto e ta un tiki compleho. Mescos den e concepto ora ta papia di persona a base di rasa”, Sr. Kelly ta bisa.
 

A haya 350 firma registra pa condolencia y muestra di convivencia pa victimanan di Orlando

E organisacion pa defensa di derechonan LGBT na Aruba (ALFA) a haci un bunita gesto caminda
a duna apoyo na famianan y amigonan di e victimanan di e caso di tiramento na Orlando poco siman atras.  ”E buki ta na caminda pa bay Merca, nos a plak cierto cos den dje, pone algun di e cosnan di Aruba pa nan sa kico ta Aruba anto nos a pone potret, skirbi algun di cos extra cu cosnan asina. Nos a haya como 350 firma cu ta bastante anto eigenlijk nos kier a manda esaki na e alcalde pero como cu nos no a haya un firma for di Minister Mike Eman pa representa nos politicamente, nos a pensa di gewoon manda esaki na e discoteca Pulse anto nan por mira despues kico nan por haci cu ne sea pone manera recuerdo den e discoteca of cualkier otro idea di conmemoracion.”

You May Also Like

‘No por core trankil pa motibo cu trahadonan ta keda molestia’

ORANJESTAD – Den oranan di mainta, tin personanan ta core na e caminda pa ...

gastonan 2.jpg

Controlaria General: Gabinete Eman no ta controla su gastonan

– Algemene Rekenkamer Aruba (Controlaria General) tin su rapport cla unda a evalua y ...

Visibility Team ta sigui pone ordo den Playa

Sin tuma cuenta criticanan negativo cu por tin, Visibility Team di Cuerpo Policial ta ...

‘Si Papiamento ta den scol, material lo bin pa via di necesidad’

Fundacion Lanta Papiamento ta señala cu e bataya pa tin enseñansa den Papiamento na ...

John Hessen Scouting Aruba: ‘Hinca bo yiu den scouting pa nan ta y keda riba e bon caminda’

ORANJESTAD – Scouting ta un movemento educativo cu ta presenta rond di mundo, den ...