For di dia 18 di october unidad di Forsanan Real (Koninklijke Landmacht), e asina yama ‘‘101 Geniebataljon’’ (un sorto di contratista di Defensa) lo ehecuta diferente trabao di construccion riba e tereno di entrenamento na Wacawa y den parke Kristof.
E construccion di e proyectonan aki ta tuma luga como parti di e ehersicio ‘Caribbean Beaver’, encarga pa comandante di forsanan Naval den Region Caribe, e unidad ta percura pa un actualisacion na e tereno di entrenamento Wacawa, ya asina tanto unidatnan Hulandes, como di exterior por tin mas fasilidat pa por trein.
Banda di esei e unidad ta eherse trabaonan di restauracion den Parke Kristòf. E sircunstancianan climatologo na Corsou ta di compara cu sircunstancianan den areanan di micion. E ehersicio aki p’esei ta duna nan e oportunidad unico pa por train den sircunstancianan similar.
E unidad ta bin cu 120 militar cu ta keda reparti y ubica na Corsou. Un parti ta hospeda na Wacawa y un otro parti ta hospeda na Landhuis Ascencion. Pa por completa e trabaonan di construccion, 40 vehiculo (militar) di construccion a keda manda cu barco y nan ta yega den haf di Willemstad dia 14 october. Desde einan e vehiculonan ta keda move bou di supervicion di un destacamento nan dilanti pa bay Wacawa y Ascencion.
E departamento lo bay eherse trabaonan di construccion na diferente localidad riba e isla, pa trainingnan personal y pa mehora entre otro instalacionnan di ehersicio ehersicio di Marina Real. Asina un instalacion di estadia lo keda expande riba tereno di entrenamento na Wacawa, cu shelternan di sement y instalacionnan sanitario. Ademas nan lo mehora e localidad di ehersicio ‘‘Camp Dovale’’ cu diferente trabaonan chikito, manera instalacion di bentana y kozijn den container, y nan ta eherce na ambos localidad drechamento di e tereno cu ta ei banda.
Finalmente lo tuma luga diferente trabaonan den e area, entre otro drechamento di caminda riba e tereno di ehersicio na Wacawa. Lo haci sondeo pa loce ta trata trabonan den futuro den Parke Kristòf y haci trabaonan di instalacion electronico na algun luga mas. E ehersicio ta dura te 7 di november. Tur e militarnan cu ta drenta a test negativo adelanta pa COVID-19 (no mas tanto cu 72 ora). Cu esaki ta evita cu posiblemente un di e militarnan ta bin cu CORONA riba e isla. Ademas actividadnan social ta keda minimalisa y e unidad ta sigui e reglanan cu ta valido riba Corsou.
