Fraccion di MEP: Un falta di respet enorme pa Parlamento y pueblo di Aruba

30MEP (1) (1).jpg

Dialuna mainta a continua cu segundo ronda di reunion pa cambio di Codigo Civil unda sin embargo a pasa algo cu segun fraccion MEP prome biaha den historia momento cu ministernan cu mester a bin defende y traha e ley no a presenta na Parlamento y fraccion di AVP no a duna quorum pa por a continua. Segun Parlamentario lider di fraccion MEP, Sra. Evelyn Wever Croes, esaki ta un tremendo falta di respet pa no solamente Parlamento pero seguramente tambe pa pueblo di Aruba.

 E ta asina cu pa reunion habri bo mester tin por lo menos 11 miembro di Parlamento presente pa por habri un reunion, y ora cu e presidente di Parlamento a mira, tabata fraccion di MEP y PDR so tabata presente cual no ta duna e mayoria di 11 cu mester tin pa cuminsa un reunion. ”Mas tristo den e caso aki ta cu e ministernan cu mester traha y defende e ley a mustra cu nan no ta bin y no a duna acto di presencia. Esaki ta un falta di respet enorme pa Parlamento den prome luga y sigur pa  pueblo di Aruba mirando con e ley y amienda aki a wordo tira den scochi di pueblo, a ranca hendenan for di otro, trece tanto discusion, desunion y odio anto awo esunnan responsabel mes no ta duna cara pe.” Sra. Croes ta bisa. Fraccion MEP ta lamenta esaki profundamente realisando cu tin problema interno den partido AVP, sin embargo Sra. Croes ta bisa cu problemanan interno no por escala den un forma asina cu henter un pueblo ta esun cu tin cu bira victima di dje. ”Ta yega momento cu bo mester puntra bo mes si en berdad pueblo merece e gobierno cu e tin.” Sra. Croes ta comenta.

A kibra record

Segun Sra. Croes, realmente e forma con partido AVP, Prome Minister Sr. Mike Eman ta gobernando e pais akinan, sinceramente a kibra record di tur locual por ta malo y ta increibel con por falta respet asina. Fraccion MEP ta bisa cu ni ora Prome Minister a wak su pueblo ranca for di otro, e no a sali duna cara y tampoco ta tuma rienda den discusion permitiendo e cosnan aki pasa. ”Mi ta spera di curason cu esnan cu a pidi confiansa di pueblo y responsabel pa e pais aki sa di mustra cara y carga nan responsabilidad pa bin atende cu temanan importante den nos pais. Den momentonan aki, ora bo weita bon, ta for di oposicion nos ta gobernando, for di oposicion nos ta bin cu solucionnan y alternativanan pasobra e gobierno aki sinceramente no ta gobernando pa e pueblo ki mas.” Sra. Croes ta bisa.

 

You May Also Like

Casino Excelsior

Mas indicacion cu robo casino Excelsior tabata ‘inside job’

Polis a detene e di 6 persona sospecha den e caso di  atraco di ...

image.jpeg

Reapertura di refineria lo produci hopi actividad pa sector maritimo

Unabes cu reapertura di refineria lo tuma luga y e ta cuminsa opera debidamente, e sector maritimo ...

Mayornan di Lunah ta gana caso contra AZV

Ayera e mayornan di Lunah a gana e caso sumario contra AZV. Nan a ...

Minister: presupuesto 2018 despues di eleccion ta bay parlamento

Gobierno no a logra entrega e concepto di ley di presupuesto 2018 den parlamento ...

gasoline-03.jpg

Prijs di gasolin ta baha cu 6.9 cent

Entrante 10 di augustus 2016 e prijsnan di benta di productonan petrolero lo cambia. ...