Parlamentario, Sra. Desiree de Sousa Croes: No ta asina cu no ta duna atencion na abuso di mucha

30Aug,JO, Abuso di mucha_Desiree.jpg

Segun Parlamentario Sra. Desiree de Sousa Croes, tur e rumornan cu ta andando tocante tin mas otro ley pa atende cu ta mas importante cu union civil, e ta pensa ta hendenan cu ta mal interpreta e situacion pa busca argumento cu e amienda no tin prioridad. Esaki ta mustra por ehempel como si fuera no lo bay haci nada pa e ley contra abuso di mucha mientras e ta lo contrario.

Un tema cu sigur tambe ta den boca di pueblo ultimamente ta e tema di abuso di mucha no solamente pa motibo di tur e graffiti decora rond di nos isla, pero seguramente tambe pasobra pa decada caba ta  mustra cu tin un fayo grandi den e maneho di esaki na Aruba dor di tanto caso cu ta keda pega durante decada.  Bon Dia tin hopi dificultad pa papia cu hende cu ta prefera di keda keto pa un of otro motibo pasobra en berdad e tema aki ta un sorto di ‘Taboo’ riba nos isla den e manera cu e ta wordo trata pa den y pafo di Parlamento. 

 

Mescos a wordo publica den nos matutino edicion di Editorial siman cu a pasa riba e tema aki, ta tuma en berdad hopi curashi pa bin dilanti y entre otro denuncia un crimen asina pero tambe hopi pasenshi y tolerancia pa un sistema cu ta mustra di ta pega den tempo. Esaki ta entre otro hopi di e comentarionan cu ta surgi rednan social mientras pueblo ta bisa cu no ta poniendo suficiente atencion riba e tema aki cu tin hopi mas aña ta bringa pe cu por ehempel derechonan civil. ”Pa cuminsa, den 2010 tabata tin un comision special, extraordinario instala specificamente pa anda cu e situacion aki y kico pa haci cun’e. A sinta cu diferente partnernan, eigenlijk tur fundacion mes cu a trata cu mucha y p’esey tambe den e amienda mes cu nos ta tratando aworaki ta finalmente bini e punto di aviso (meldpunt).” Parlamentario Sra. Desiree de Sousa Croes ta bisa Bon Dia.  

Castigo Minimo

Parlamentario Sra. Mervin Wyatt Ras hunto cu Sra. Desiree de Sousa a traha riba un amienda pa drecha e ”Meldpunt” pa entrega den e siguiente reunion. ”Nos a bolbe traha riba dje un biaha mas den e siman cu a pasa unda cu lo bay exactamente bisa kico e meldpunt ta bay encera, bao di cua ministerio ta bay cay etc.  Fuera di esey, na aña 2012 caba nos a hisa e castigonan pa abusado nan di mucha te na un maximo di 16 aña cu ta eigenlijk hasta mas halto cu ‘Doodslag’. Bo por haci e bida largo mes pero e cos ta cu bo mester haya mas prueba.” Sra. Croes ta comenta. Segun expertonan, e parti di castigo no ta e problema, si nan haya bo, bo ta haya un castigo cual na Aruba esaki no ta den man di Parlamentarionan segun Sra. Croes ta splica Bon Dia. ”Nos por pone den leynan pero esaki ta den man di huesnan y OM. Nos ta haci locual cu  nos por haci y castigonan ta halto pero nan no ta dun’e. Ni si bo cambia ley, unico cos cu bo lo por haci berdad ta duna un castigo minimo obliga y esey ta pone cu ainda e pruebanan ta bay bira hopi mas dificil e ora.” Sra. Croes ta bisa agregando cu si bo sa bo ta bay haya hopi castigo, bo mester ta 100% sigur cu ta e persona a comete e acto. Sra. Croes ta bisa cu e semper a para tras di esaki por ehempel for di mocionnan cu a bini for di banda di fraccion MEP pa castigo minimo. ”Ami personalmente  ta kere den esey pero OM ni huesnan no ta kere den esey anto finalmente ta nan ta esun cu ta duna e castigonan. Nos mester yega na otro pa cu esey.” Sra. Croes ta bisa. Esaki ta un punto di dialogo cu Bon Dia ta bay tin pronto cu e departamentonan y instancianan concerni.

Esnan cu ta persigui mucha Online lo haya castigo

Fuera di esey, Sr. Croes ta bisa cu e mes ta trahando aworaki cu un concepto di ley pa cambia nos codigo penal unda cu ta haci cu abuso di mucha nunca ta caduca mescos ”Moord” no ta caduca nunca anto esaki ta algo cu lo traha riba dje aworaki. Mescos ta bay haci awo tambe por ehempel esnan cu ta busca mucha riba internet tambe ta bay wordo persigui.  Si tin un hende grandi cu ta basila un mucha riba Facebook hasta esey nos kier pa e ta castigabel, pues nos ta duna hopi atencion. Mas importante si pa pueblo sa, cu den mesun BW (Burgerlijk Wetboek) cu nos ta tratando aworaki ta bay tambe hinca exactamente esey, un amienda pa drecha netamente  tambe e punto di Kinder Mishandeling y mi ta hay’e asina pret cu mi amienda ta haya tur e atencion y no esun positivo, cu mas sigur 100% di hende ta para su tras cual ta e punto di aviso  aki y riba tur dos mi a traha.” Sra. Croes ta bisa

You May Also Like

Ingeniero Sia: Pais Aruba y CAP NV a conscientemente laga Repsol contamina lama ilegalmente

ORANJESTAD – Segun Sociedad di Ingeniero di Aruba (Sia), Repsol a los likido mescla ...

image.jpeg

Piscadonan ta preocupa pa Aruba su desaroyo hopi rapido

Desde 5’or atardi te cu 8’or anochi Centro di Pesca Hadicurari a introduci su happy hour di tur diabierna caminda ...

Vision pedagogico y plan di accion pa lantamento di mucha

Fundacion Respeta Mi hunto cu 4 otro organisacion a bin cu meta pa ‘lantamento ...

20160111_134655.jpg

Exposicion “Tempo pa Clip”

Exposicion “Tempo pa Clip”  organisa pa fundacion Rancho lo habri dia 18 di januari ...

consecuencia producto falsifica.jpg

Falsificadonan di productonan ta hendenan cu ta specialisa cada biaha mas

Asociacion Interamericano di Propiedad Intelectual (ASIPI) a scoge Aruba pa realisa su seminario internacional ...

editorial

Nos tin un parlamento ainda?

Parlamento cu ‘reces’ no oficial desde fin di augustus… Despues di e turbulencia na ...