Diabierna mainta tempran e crew di voluntario di Freewinds a hasi trabou voluntario di desinfecta e oficina di Caribbean Speed Printers N.V.

Esaki ta un campaña cu e personal di e barco Freewinds a bin ta haciendo den e ultimo luna nan y asina nan tambe ta duna nan aporte na e pueblo di Aruba. Aparte di ta haci e parti di desinfeccion, tambe nan a prepara full un campaña unda a saca varios buki den 3 idioma pa asina yuda conscientisa riba e cuido contra e Virus Covid-19.

Di e forma aki tambe tur habitante por haya mas informacion. E buki nan aki ta gratis y obtenibel na diferente localidad riba e isla. Tambe por haya acceso na e informacion aki si bai riba e pagina di www.scientology/prervention aki riba por download e buki y hopi mas informacion.

Caribbean Speed Printers kier a gradici Freewinds Aruba, na capitan Kenneth Weber pa e campaña cu nan ta hibando pa asina conscientisa e pueblo di Aruba y un danki special na e e crew di boluntario cu a pasa diabierna mainta esta, Yenifer Zavala, Galyna Litvynenko y Tyson Wollitzer.

LEAVE A REPLY

Please enter your comment!
Please enter your name here