FPNA a tuma nota di un publicacion recientemente, unda a duna informacion di piscamento den Parke Nacional Arikok, y ta desea pa elabora corectamente riba esaki.

Na momento di e traspaso di maneho di e Parke Marino Aruba pa FPNA, a delinea un plan di maneho cual lo facilita e proceso transitorio y implementacion di regulacion pa cu e uso y recreacion den e areanan marino protegi. E plan di maneho a indica cu lo tin un proceso largo unda lo hiba un dialogo cu tur usuario pa hunto yega na un plan di maneho definitivo incluyendo regulacion pa cu e uso di e Parke Marino Aruba.

Entretanto a cuminsa cu e trayecto importante di dialogo hunto cu tur usuario, incluyendo e piscadornan. E proceso aki a wordo interumpi door di e situacion di Covid-19, pero ta den planning actualmente pa inicia den luna di september proximo, siempre y cuando lo mantene e seguridad di tur presente siguiendo e condicion nan di distanciamento social.

Ademas FPNA a hiba un combersacion cu e union di pesca lidera pa sr. Arthur Giel, unda a elabora ariba varios topico y sigur a enfatisa cu hunto nos lo yega na un acuerdo mutuo durante e sesionnan programa pa september proximo en adelante. Tambe a elabora ariba e situacion actual unda piscadonan cu jaarpas por drenta Parke Nacional Arikok entre 8:00AM y 5:00PM pa bay pisca na baranca. Ademas, a yega na acuerdo cu lo bai desaroya un sistema di permiso pa piscador cu ta haci uso di baranca den Parke Nacional Arikok pa pesca y asina nos tin nan registra den un registro oficial di FPNA a base di criterianan cu lo defini den colaboracion.

Nos ta spera di por desaroya e sistema aki a corto plaso asina brindando nos ciudadanonan e oportunidad pa eherce e tradicion artesanal aki na un manera sostenibel.

Pa mas informacion por tuma contacto libremente cu parkemarino@arubanationalpark.org.

 

LEAVE A REPLY

Please enter your comment!
Please enter your name here